Эрүүл мэндийн болон нийгмийн даатгалын шимтгэл төлсөн иргэд түүнийхээ үр шимийг олигтой хүртэж чадахгүй, нэрийн дансан дах мөнгө нь олдохгүй, төлсөн мөнгө нь инфляцийн нөлөөгөөр үнэ цэнэгүй болж, тэтгэвэрт гараад шууд ядууралд орох эрсдэлтэй байгаа. Эрүүл мэндийн даатгалаар чанартай эмнэлгийн үйлчилгээг авах боломжгүй, хамрагддаг өвчин цөөн. Төсөв тасарсан шалтгаанаар хүмүүсийн ажилгүйдлийн тэтгэмжийг өгөхгүй саатуулсан, сангийн мөнгийг дампуурч буй хувийн банкинд шилжүүлэн одоог болтол авч чадаагүй, шимтгэл төлсөн хүмүүсийн хөрөнгө үрэгдсэн. Нийгмийн даатгалын сан асар олон хүн ажилладаг нүсэр зардалтай, нэрийн дансны мөнгө өсдөггүй, бодитоор байхгүй. Нийгмийн даатгал болон Эрүүл мэндийн даатгалын сангийн чөлөөт үлдэгдэл өсдөггүй, төсвийн алдагдалд зарцуулагдан дуусдаг. Тиймээс төсвөөс салгаж олон улсын нийтлэг жишгээр тусад нь гарган хөгжүүлэх шаардлагатай байгааг анзааран хууль санаачилж байгааг дэмжин гарын үсэг зурна уу. Баярлалаа.