Иймд хүүхэд бүрийн тэгш суралцах эрхийг хангах үүднээс дараах асуудлыг шийдвэрлэж өгөхийг хүсэж байна. Үүнд: 1. Тусгай хөтөлбөр нэвтрүүлэх: Сургууль бүрд аутизм болон хэл ярианы бэрхшээлтэй хүүхдүүдэд зориулсан хөгжлийн болон сургалтын тусгай хөтөлбөр оруулж хэрэгжүүлэх; 2. Багш нарыг сургах: Багш нарт аутизмтай хүүхэдтэй ажиллах арга зүйн сургалт орж, шаардлагатай сургуулиудад туслах багш ажиллуулах; 3. Хэл засалч, сэтгэл зүйчээр хангах: Сургуулиудад хэл засалч болон тусгай хэрэгцээт боловсролын багш нарыг ажиллуулах нөхцөлийг бүрдүүлэх. Энэхүү асуудлыг анхааралдаа авч, бодлогын түвшинд тодорхой шийдвэр гаргаж өгнө үү.