Монгол Улсын эдийн засаг, эрчим хүчний бие даасан байдлыг бэхжүүлэх зорилтын хүрээнд, одоо үүсээд байгаа шатахууны хомсдол зэргийг харгалзан үзэж яаралтай дотооддоо автобензин үйлдвэрлэх төслийг судлаж, бодлогоор дэмжин, хэрэгжилтийг эрчимжүүлж өгөхийг Улсын Их Хурлаас хүндэтгэн хүсье. Манай улс шатахууны хэрэгцээгээ 100 хувь гадаад импортоор хангаж, жил бүр тэрбум гаруй ам.долларын валютыг гадагш урсгаж байгаа нь эдийн засагт тодорхой эрсдэл авчирч байна. Тиймээс дараах чиглэлд анхаарч, бодит дэмжлэг үзүүлнэ үү. Хууль эрх зүйн орчин: Дотоодын үйлдвэрлэгчид болон хөрөнгө оруулагчдад татварын болон санхүүгийн таатай нөхцөлийг бүрдүүлэх. Төслийн хурдац: Газрын тос боловсруулах үйлдвэрийн дэд бүтцийн асуудлыг төрийн бодлогоор дэмжиж, ашиглалтад оруулах хугацааг шуурхайлах. Эдийн засгийн үр өгөөж: Импортын хараат байдлыг бууруулах замаар төгрөгийн ханшийг тогтворжуулж, инфляцийн дарамтыг багасгах. Энэхүү стратегийн чухал асуудлаар анхаарал хандуулж шалгах, судлах, бодлогын оновчтой шийдвэр гаргах Ажлын хэсэг байгуулж өгнө үү. Өргөдөл гаргасан: Монгол Улсын иргэн Мягмаржавын Түвшинжаргал