Монгол Улсын Үндсэн хууль болон холбогдох бусад хууль, дүрэм, олон улсын гэрээ конвенциудад хүүхдийн эрхийг хамгаалах тухай заалтууд байдаг боловч хэрэгжилт хангалтгүй байна. Хүүхдийг хүчирхийллээс урьдчилан сэргийлэх, зөрчсөн этгээдэд оногдуулах шийтгэлийг чангатгахгүй бол энэ төрлийн гэмт хэрэг дахин давтагдсаар байна. Ялангуяа хүүхдийг зодох,сэтгэл санаагаар доромжлох, үл хайхрах зэрэг асуудлууд газар авч, тэдний биеийн болон сэтгэцийн эрүүл мэнд амь насанд аюул учруулж буй нь маш эмзэглэмээр асуудал юм.