Тайлбар:
УИХ, ЗГ-т ажиллаж байгаа олонхи гишүүдийн хөрөнгө орлого сонгогдмогц эрс нэмэгдсэн, хамаарал бүхий этгээдээрээ дамжуулсан гэмт хэргийн шинжтэй асуудалд нэр холбогдсон тухай мэдээ баримт цахим орчинд хангалттай цацагддаг боловч нийтийн эрх ашигт харшилсан, эрх мэдэл албан тушаалаа урвуулан ашигласан зэрэг хэрэг зөрчлүүддээ тэд ямарч хариуцлага хүлээхгүй байгааг иргэд олон нийт харсаар, бухимдсаар байгаа билээ. Ийм учраас Монгол улсын УИХ-ын тухай хуулийн “УИХ гишүүнийг түдгэлзүүлэх, эргүүлэн татах тухай” 9, 10, 13 дугаар зүйл заалтад сонгогдсон тойргийн сонгосон иргэдийн тодорхой тооны саналаар эргүүлэн татах нэмэлт өөрчлөлт оруулах нь зүйтэй юм. Энэ талаар иргэд саналаа өргөнөөр өгч, хуульч, эрхзүйчид онцгойлон анхаарч зохих хувь нэмэрээ оруулахыг уриалж байна.