Олон хүүхэдтэй айлын хүүхдийн хоол, хувцас, боловсрол, эрүүл мэнд болон өдөр тутмын хэрэглээний зардал өндөр байдаг бөгөөд үүний зэрэгцээ цахилгаан, дулаан зэрэг зайлшгүй төлөх ахуйн зардал гэр бүлийн санхүүгийн ачааллыг нэмэгдүүлдэг. Иймд олон хүүхэдтэй өрх, гэр бүлийг бодитоор дэмжих зорилгоор өрхийн хүүхдийн тоотой уялдуулан цахилгаан, дулаан, орон сууцны ашиглалтын төлбөрт тодорхой хэмжээний хөнгөлөлт, дэмжлэг үзүүлэх тогтолцоог бий болгох боломжийг судалж, холбогдох хууль тогтоомж, бодлогод тусган хэрэгжүүлэхийг хүсэж байна. Ингэснээр хүн амын өсөлт, өрхийн санхүүгийн зардалд эерэгээр нөлөөлөх боломжтой юм.