Сайн байна уу? Цэцэрлэгийн хүүхдийн хоол, шим тэжээлийн асуудал нь хүүхдийн эрүүл өсөлт, хөгжилтэй шууд холбоотой чухал асуудал билээ. Гэвч 2026–2027 оны хичээлийн шинэ жилээс эхлэн цэцэрлэгийн гал тогоонд өөрсдөө бэлтгэн хийдэг байсан талх, нарийн боовны зарим бүтээгдэхүүнийг бэлэн үйлдвэрийн бүтээгдэхүүнээр орлуулж байгаа нь хүүхдийн өдөр тутмын хооллолтын чанар, шим тэжээлийн тэнцвэрт байдалд анхаарах шаардлагатай нөхцөл үүсгэж байна. Мөн хоолны цэсний хувьд хүүхдийн өдөр тутмын хэрэгцээт шим тэжээлийг хангалттай хэмжээнд авч чадаж байгаа эсэхэд дахин үнэлгээ хийх шаардлагатай гэж үзэж байна. Иймд хүүхдэд өдөр бүр хэрэглүүлж буй хүнсний бүтээгдэхүүний найрлага, шим тэжээлийн чанар, хүнсний нэмэлт болон боловсруулалтын түвшинд анхаарч, цэцэрлэгийн хүүхдийн хоолны цэс, хүнсний бүтээгдэхүүний сонголтыг дахин хянаж, шаардлагатай сайжруулалтыг хийж өгнө үү. Түүнчлэн талх, нарийн боов зэрэг бүтээгдэхүүнийг боломжтой тохиолдолд цэцэрлэгийн гал тогоонд эрүүл ахуй, хүнсний аюулгүй байдлын шаардлагыг ханган шинээр бэлтгэн хийх боломжийг судалж, хэрэгжүүлж өгөхийг хүсэж байна. Хүүхдийн эрүүл мэнд, зөв зохистой хооллолтыг нэн тэргүүнд тавьж, энэхүү хүсэлтийг анхааран үзэж, холбогдох арга хэмжээ авч өгнө үү.