Монгол Улсын иргэд бид хугацаат цэргийн алба хаах хугацааг одоогийн 12 сараас 9 сар болгон бууруулах тухай асуудлыг хэлэлцэн шийдвэрлэхийг Монгол Улсын Их Хурлаас хүсэж байна. Өнөөгийн нөхцөлд залуучууд боловсрол эзэмших, ажил хөдөлмөр эрхлэх, мэргэжлийн ур чадвараа хөгжүүлэхэд цаг хугацаа маш чухал болсон. Нэг жилийн хугацаатай цэргийн алба нь олон залуучуудын сургууль, ажил, амьдралын төлөвлөгөөнд хүндрэл учруулж байна. Орчин үеийн цэргийн сургалт, бэлтгэлийг илүү богино хугацаанд үр дүнтэй зохион байгуулах боломжтой бөгөөд 9 сарын хугацаа нь цэргийн үндсэн мэдлэг, сахилга бат, бие бялдрын бэлтгэлийг хангалттай олгоно гэж үзэж байна. Мөн хугацааг бууруулснаар: 1. Залуучууд боловсрол болон хөдөлмөрийн зах зээлд эрт эргэн орох 2. Эдийн засгийн идэвх нэмэгдэх 3. Цэргийн алба хаагчдын сэтгэлзүй, идэвх сайжрах 4. Орчин үеийн хэрэгцээнд нийцсэн илүү үр ашигтай тогтолцоо бүрдэх боломжтой Иймд хугацаат цэргийн албыг 12 сараас 9 сар болгон бууруулах тухай хуулийн өөрчлөлтийг судалж, хэлэлцэн шийдвэрлэж өгөхийг хүсье.