Монгол улсын эдийн засгийн аюулгүй байдал, нийгмийн хөгжлийн тогтвортой байдлыг хангах нь Монголчууд бидний тулгамдсан асуудал болжээ.

Монгол Улс асар их байгалийн баялагтай түүнд түшиглэсэн эдийн засагтай боловч, олборлосон ашигт малтмал, түүхий эдийг дахин боловсруулалт хийж нэмүү өртөг шингээлгүй гадаад зах зээлд гаргаж байгаа нь дотоодын үйлдвэрлэлийн хөгжил, , ажлын байр, өндөр технологи бий болгоход сөргөөр нөлөөлж байна.

Иймд Монгол Улсаас экспортод гарч буй байгалийн баялагт (төмөр, нүүрс, зэс, алт, газрын тос, газрын ховор элемент болон бусад стратегийн ашигт малтмалд) дэлхийн хөгжингүй оруудын адил 25-35 хувь зарим бараанд 50 хувийн гаалийн экспортын татвар ноогдуулж эдийн засгийн зөв эргэлтэнд оруулах хууль санаачлах санал гаргаж байна. Ингэснээр далд эдийн засаг хагарч дарга баяжих биш иргэн та баян байх боломж бидэнд нээгдэх юм. Экспортын гаалийн татварыг Дэлхийн зах зээлийн үнэтэй уялдуулсан хувь хэмжээгээр татвар тогтоох эрх зүйн зохицуулалтыг Улсын Их Хуралд хэлэлцүүлж, батлуулах саналтай байна.

Энэхүү зохицуулалт нь дараах ач холбогдолтой гэж үзэж байна: 1. Байгалийн баялгийн шударга хуваарилалтыг хангах; 2. Түүхий эдийн бус, нэмүү өртөг шингэсэн үйлдвэрлэл хөгжиж, шинэ техник технологи нэвтрүүлэх ажлын байр, цалин хөлс бусад хангамж нэмэгдэнэ. 3. Улсын төсвийн орлого урд байгаагүй хэмжээгээр нэмэгдэнэ 4. Байгаль орчинд учруулах сөрөг нөлөөллийг бууруулах, нөөцийн хариуцлагатай ашиглалт сайжирна 5. Далд эдийн засаг устаж авилгалч хэсэг албан тушаалтан биш Монголчууд нийтээрээ баялагын хувь хүртэх нөхцөл бүрдэнэ. 6. Норвегийн хөгжлийн гарцыг амьдралд хэрэгжүүлж хөгжингүй орнуудын түвшинд Монгол улс богино хугацаанд хүрнэ. Та өөрийнхөө болон ирээдүйн сайн сайхны төлөө энэхүү саналыг дэмиж санал өгнө гэдэгт итгэж байна. Монголчууд эзэн заяагаа сэргээх цаг болжээ. Нийтээрээ нэгдэж Баялагтаа эзэн Монголчууд болцгооё.