Тээврийн хэрэгслийн улсын дугаарыг бүртгэлийн системээс үнэгүй захиалан авдаг байсныг 2024 оны 11 дүгээр сарын 08-ны өдрөөс эхлэн хязгаар тогтоож, олгохгүй болсноор тээврийн хэрэгслийн улсын дугаарын өнөөгийн үнэ өртөг нь 1 саяас дээш үнэлэгдэж, машинаа солих, шинээр машин авах иргэд автомашиндаа дугаартай болохын тулд ченж хэмээх хэсэг бүлэг хүмүүсийн хэлсэн үнээр нь арга буюу худалдан авч байна. Энэ нь өөрөө нийгэмд сөрөг үр дагавартай, энгийн иргэдийн амьдралд дарамт үүсгэсэн, тодорхой тооны хэдэн хүний эрх ашиг, ашиг хонжоог хөхүүлэн дэмжиж, жинхэнэ утгаар нь бизнес болгон хөгжүүлсэн шийдвэр болоод байна. Монгол улсын Үндсэн хуулийн "Хүний эрх, эрх чөлөө" бүлгийн 16.3 дахь заалт, хөдлөх хөрөнгийг шударгаар олж авах, эзэмших, өмчлөх эрхэнд халдсан шийдвэр бөгөөд Төрөөс хүний эрх, эрх чөлөөг хангахуйц эдийн засаг, нийгэм, хууль зүйн болон бусад баталгааг бүрдүүлэх, хүний эрх, эрх чөлөөг зөрчихтэй тэмцэх, хөндөгдсөн эрхийг сэргээн эдлүүлэх үүргийг иргэнийхээ өмнө хариуцна" заалтын хүрээнд Нийслэлээс гаргасан шийдвэрийг цуцалж, тээврийн хэрэгслийн улсын дугаар олголтыг хэвийн болгож, бодитой бус, тооцоо судалгаа, үндэслэл муутай уг журмыг цуцалж, Автотээврийн тухай хуульд 2023 оны 12 дугаар сарын 07-ны өдрийн нэмэлтээр оруулсан 17.1.5, 17.1.6, 17.1.7 заалт бүхий өөрчлөлтүүдийг хүчингүй болгож өгнө үү.