Монгол Улсын Үндсэн хуулийн 16.2-т иргэн нь эрүүл, аюулгүй орчинд амьдрах, орчны бохирдол, байгалийн тэнцэл алдагдахаас хамгаалуулах эрхтэй гэж заасан байдаг. Сүүлийн жилүүдэд Монгол Улсад гарч буй гамшиг, ослын үед аврах ажиллагааны хурд, техник хэрэгсэл, хүний нөөцийн бэлэн байдал нь хүний амь насыг хамгаалахад зарим тохиолдолд хангалтгүй байх эрсдэл ажиглагдаж байна. Энэ нь зөвхөн нэг байгууллагын асуудал бус Монгол Улсын гамшгийн менежмент, аврах ажиллагааны систем, төсвийн хуваарилалт, сургалт, тоног төхөөрөмжийн бодлоготой холбоотой цогц асуудал юм. Иймд дараах чиглэлд төрийн түвшинд анхаарч, холбогдох байгууллагуудын оролцоотойгоор үнэлгээ хийж, сайжруулах шаардлагатай гэж үзэж байна. Үүнд: -Амь аврах алтан хугацааг алдалгүй ашиглах боломжийг нэмэгдүүлэх -Аврах ажиллагаанд ашиглагдах техник, тоног төхөөрөмжийг шинэчлэх -Аврагчдын мэргэжлийн бэлтгэл, сургалт, чадавхыг сайжруулах -Урьдчилан сэргийлэх болон эрсдэлийг бууруулах бодлогыг боловсронгуй болгох Эдгээр асуудлыг салбарын мэргэжилтнүүд, холбогдох төрийн байгууллагууд болон иргэдийн оролцоотойгоор хэлэлцэж, бодлогын түвшний дүгнэлт гаргах зорилгоор ажлын хэсэг байгуулахыг дэмжиж байна. *Энэхүү санал нь нэг удаагийн осолтой холбоотой уриалга бус, Монгол Улсын иргэдийн амь нас, аюулгүй байдлыг хамгаалах тогтолцоог урт хугацаанд сайжруулах зорилготой болно.*