Монгол Улсын Их Хуралд, Оюутан, суралцагчид хичээлийнхээ хажуугаар цагийн ажил, түр хугацааны ажил эрхэлж өөрийн хэрэгцээ, сургалтын зардлаа хангадаг. Гэвч богино хугацааны, тогтмол бус орлоготой ажилд заавал нийгмийн даатгалын шимтгэл ногдуулж байгаа нь оюутнуудын хөдөлмөр эрхлэх боломжийг хязгаарлаж, ажил олгогчдод ч хүндрэл учруулж байна. Иймд 15–24 насны оюутан, суралцагч ажил хөдөлмөр эрхэлсэн тохиолдолд нийгмийн даатгалын шимтгэлийн тодорхой төрлөөс чөлөөлөх, ажил олгогчид ногдох шимтгэлийн зохицуулалтыг хөнгөлөх талаар Нийгмийн даатгалын ерөнхий хуульд нэмэлт, өөрчлөлт оруулах тухай хуулийг санаачлан баталж өгөхийг хүсэж байна. Энэхүү өөрчлөлт нь залуучуудыг ажил хөдөлмөрт эрт оролцуулах, мэргэжлийн ур чадвар эзэмших, ажил олгогчдын оюутан ажиллуулах сонирхлыг нэмэгдүүлэх чухал ач холбогдолтой юм. Монгол Улсын Их Хурлаас уг асуудлыг анхааран үзэж, оюутан залуусын хөдөлмөр эрхлэлтийг дэмжсэн эрх зүйн орчныг бүрдүүлж өгнө үү. Дашрамд, энэ асуудал өмнө нь хуулийн өөрчлөлтийн хүрээнд яригдаж, ажил хөдөлмөр эрхэлж буй оюутан, суралцагчийг зарим НДШ-ээс чөлөөлөх зохицуулалт тусгагдсан мэдээлэл гарч байсан.