​Орон сууцны ипотекийн хөнгөлөлттэй зээлийн санхүүжилтийн хүртээмжийг нэмэгдүүлж, оочер дараалал болон ил тод бус байдлыг арилгах тухай ​Сүүлийн жилүүдэд орон сууцны ипотекийн зээл хүсэгч иргэдийн тоо эрс нэмэгдэж, арилжааны банкуудад үүссэн оочер дараалал хэт уртссанаар залуу гэр бүлүүд болон дундаж давхаргын иргэд орон сууцтай болох үндсэн эрхээ эдлэхэд хүндрэл учирч байна. Зээлийн санхүүжилтийн хязгаарлагдмал байдал, банкуудын шалгуур болон үйл явцын удаашрал нь иргэдийг санхүүгийн болон сэтгэл зүйн дарамтад оруулж байна. Ялангуяа банкууд дээрх зээлийн оочер дараалал, хүнд суртал, санхүүжилтийн хуваарилалт нь олон нийтэд хаалттай, ил тод бус байгаа нь иргэдийн дунд шударга бус байдлын мэдрэмжийг төрүүлж байгаа юм. ​Иймд энэхүү асуудлыг бодлогын түвшинд авч үзэж, дараах арга хэмжээг яаралтай авч хэрэгжүүлэхийг шаардаж байна: ​Санхүүжилтийн эх үүсвэрийг өргөжүүлэх: Ипотекийн зээлийн санхүүжилтийн эх үүсвэрийг тогтмол бөгөөд илүү өргөн хүрээтэй болгох (үндэсний болон олон улсын санхүүгийн хэрэгслийг ашиглах, санхүүжилтийг нэмэгдүүлэх). ​Дарааллыг ил тод болгох (Цахимжуулах): Арилжааны банкуудаар дамжуулан олгох зээлийн шалгуур, процессыг ил тод болгож, зээл хүсэгчдийн оочер дарааллыг хүн бүр цахимаар хянаж, харж болохуйц нэгдсэн цахим систем эсвэл хяналтын модулийг нэвтрүүлэх. ​Хяналт шалгалтыг сайжруулах: Ипотекийн зээл олголт болон хүлээгдэж буй дарааллын бодит нөхцөл байдалд төрийн холбогдох байгууллагууд хяналт тавьж, иргэдэд чирэгдэлгүй, шударгаар үйлчлэх эрх зүйн болон зохицуулалтын орчныг боловсронгуй болгох. ​Санаачилсан иргэн: Энхбат овогтой Пүрэвдаваа