Тэтгэвэр авагч эхнэр, нөхрийн нэг нь нас барвал тэтгэврийн 20 хувийг ханийнх нь тэтгэвэрт нэмж олгох буюу хуулийн хэрэгжилт нь 2024 оны 1 сарны 1 нээс хойш нас барсан хүний ар гэрт гэсэн заалт өндөр настангуудаа ялгаварлаж байгаа нь үндсэн хуулинд нас хүйсээр нь ялгаварлаж үл болно гэсэн заалтыг зөрчиж байгаа тул цуцлаж хугацаа заахгүй байх өвлөн авах хувийг нь өсгөх.
Нийгмийн даатгалын шимтгэлийг үндсэн цалингаас суутгах. Төлсөн нийгмийн даатгалын шимтгэл тухайн иргэний нэрийн дансанд шууд орж хуримтлагддаг болох
Сүүлийн жилүүдэд орой болон шөнийн цагаар стандарт бус, нэмэлт тоноглолтой болон тусгайлан чанга дуу чимээ гаргахаар өөрчилсөн яндантай авто машин, мотоцикл зэрэг моторт тээврийн хэрэгсэл орон сууц, гэр хорооллын бүсээр хурд хэтрүүлэн явах тохиолдол ихэсч байна.
Монгол улс 2025 онд 89.7 сая тонн нүүрс экспортлосон ба энэхүү нүүрсээр бид үйлдвэрүүдээ барьж чадсан бол жилдээ 60 сая тонг бензин, дизелийн түлш, керосин бусад дагалдах бүтээгдэхүүн үйлдвэрлэх боломжтой байв. Монгол улсын жилийн нийт хэрэгцээ 3 сая тонн гэхээр бид асар их боломжоо алдаж байна гэсэн үг. Нүүрснээс шингэн түлш гаргах технологи (Coal-to-Liquids буюу CTL) нь нүүрсийг химийн гүн боловсруулалтад оруулж, бензин, дизель түлш, нисэхийн керосин болон бусад химийн бүтээгдэхүүн гарган авах технологи юм. Энэхүү арга нь шатахууны хувьд гадаад улсаас хараат бус болох стратегийн маш их ач холбогдолтой. ХБНГУ-ын Канцлер Ангела Меркель Монгол улсад айлчлахдаа нүүрснээс шингэн түлш гаргах технологийг Монголд нэвтрүүлэх асуудлыг албан ёсоор тавьсан боловч бид өнөөдрийг хүртэл энэхүү асуудлыг шийдвэрлэлгүй өдий хүрэв. Дэлхийн өнөөгийн нөхцөл байдалтай холбоотойгоор бид үйлдвэрлэгч болох цаг нь болжээ.
Орон сууцны ипотекийн хөнгөлөлттэй зээлийн санхүүжилтийн хүртээмжийг нэмэгдүүлж, оочер дараалал болон ил тод бус байдлыг арилгах.
Монгол Улс дотоод нөөц боломжоо ашиглаж дотооддоо автобензин болон газрын тосны бүтээгдэхүүн үйлдвэрлэх салбарыг эрчимжүүлж, стратегийн бие даасан байдлыг хангах тухай албан өргөдөл гаргаж байна.
Товч тайлбар: Авто зам ашигласны хураамжийг 10 дахин огцом нэмэгдүүлэх нь иргэдийн амьжиргаа, өрхийн санхүү болон бизнес эрхлэгчдэд нэмэлт дарамт учруулахын зэрэгцээ тээврийн зардал, бараа бүтээгдэхүүний үнэ, инфляц өсөх эрсдэлийг нэмэгдүүлж болзошгүй байна. Ялангуяа өдөр тутам автомашин ашигладаг иргэд, ачаа тээвэр эрхлэгчид болон орон нутгийн иргэдэд энэ нэмэгдэл шууд нөлөөлнө. Иймд уг шийдвэрийг яаравчлан хэрэгжүүлэхээс өмнө бодит тооцоо, судалгаанд үндэслэн дахин авч үзэж, иргэд олон нийтийн саналыг сонсохыг шаардаж байна. Авто замын хураамжийг огцом нэмэгдүүлэх шийдвэрийг эргэн харж, иргэдийн эдийн засгийн нөхцөл байдалд нийцсэн, үндэслэлтэй, үе шаттай бодлого хэрэгжүүлэхийг дэмжин гарын үсгээ зурна уу.
УИХ-ийн гишүүн н.Дэлгэрсайханы санаачилсан авто замын хураамжийг 10000 төгрөг болгосныг хориглох!!!
Цалин гэж томоор нэрлэсэн 50к нь амьдрал дээр ганц уут буюу 48ш памперас + 100ш нойтон салфитканд л хүрч байна. Энэ нь нярай нялх хүүхдийн 6-7 өдрийн пампрасны хэрэглээг хангаж бусад хэрэглээ болон хэрэгцээнд хүрэлцэхгүй байна. Зах зээл дээрх хэрэглээний барааны үнэ өдөр ирэх тусам өсч нэмэгдэж байгаа тул цалин гэх 50к-г нэмэх талаар хэлэлцэж өгнө үү. Улсын ирээдүй болсон бяцхан үрсээ асарч буй ээжүүдээ өргөдлийг дэмжинэ гэдэгт итгэж байна.
Орон нутгийн замын хураамж 10,000төгрөг болсоныг цуцлах.Иргэд олон нийт дэмжиж оролцохыг хүсэж байна.
Монгол Улсад хөгжлийн бэрхшээлтэй, байнгын асаргаа болон сэргээн засах эмчилгээ шаардлагатай олон хүүхэд амьдарч байна. Эдгээр хүүхдийн хөгжил, эрүүл мэнд, ирээдүйн бие даан амьдрах боломж нь эцэг, эхийн тасралтгүй асаргаа, эмчилгээ, сэргээн засах үйлчилгээнд тогтмол хамрагдахаас ихээхэн хамаардаг. Гэвч бодит амьдрал дээр зарим эцэг, эх хүүхдээ орхиж, асаргаа, эмчилгээ, санхүүгийн хариуцлагыг нөгөө эцэг, эхэд дангаар нь үүрүүлэх тохиолдол гарсаар байна. Үүний улмаас хүүхдийн эмчилгээ тасалдах, хөгжлийн боломж буурах, асран хамгаалагчийн эрүүл мэнд, сэтгэл зүй, эдийн засаг ноцтой хохирох эрсдэл үүсдэг. Эцэст нь хамгийн их хохирдог нь ямар ч буруугүй хүүхэд байдаг. Иймд Монгол Улсын Их Хурлаас дараах асуудлыг судалж, холбогдох хууль тогтоомжид нэмэлт, өөрчлөлт оруулахыг хүсье.
Ажил олгогчоос олгож буй "Унаа, хоолны мөнгө" нь ажилтны цалин хөлс буюу цэвэр орлого биш бөгөөд ажил үүргээ гүйцэтгэхэд өдөр тутамд гардаг зайлшгүй зардлыг нөхөх зориулалттай байдаг. Гэтэл одоогийн мөрдөгдөж буй хуулиар эдгээр зардлаас Хүн амын орлогын албан татвар (ХХОАТ) болон Нийгмийн даатгалын шимтгэл (НДШ) суутгаж байгаа нь иргэдийн гар дээр очих бодит орлогыг бууруулж, амьжиргаанд дарамт болж байна. Ялангуяа инфляци, өргөн хэрэглээний бараа бүтээгдэхүүний үнийн өсөлттэй байгаа өнөө үед унаа, хоолны мөнгөнөөс татвар, шимтгэл авч байгаа нь шударга бус бөгөөд хөдөлмөр эрхлэлтийг дэмжих төрийн бодлоготой нийцэхгүй байна. Иймд унаа, хоолны мөнгийг татвар, шимтгэл ногдох орлогын сууриас бүрэн чөлөөлж, холбогдох хууль тогтоомжид өөрчлөлт оруулахыг шаардаж энэхүү өргөдлийг санаачиллаа. Хөдөлмөр эрхлэгч иргэдийнхээ бодит орлогыг нэмэгдүүлж, цалингийн үнэгүйдлээс хамгаалахын төлөө иргэн ТА гарын үсгээ зурж дэмжинэ үү!
