Батчулуун эмч шиг "асуудалд" орсон эмч нараа суллах өршөөлийн хууль D Parliament дээр санаачилж байна. Дэмжиж саналаа өгнө үү.
Хувь хүний цалин, орлогоосоо төлдөг ашгийн татварыг 10% биш 1% болгож бууруулах, иргэн баян бол улс хөгжинө!
Дорноговь аймгийн Улаанбадрах сумын нутагт ураныг хайх, туршилтаар олборлох үйл ажиллагааны сөрөг үр дагавар нь тухайн бүс нутагт гамшгийн хэмжээнд хүрч, нөлөөллийн бүс нь эргэлдээх 6 сумын нутаг дэвсгэрийг хамарсан байна. Энэхүү гамшигт үр дагаварын талаар уг нутгийн иргэдээс, иргэдийн хөдөлгөөнүүдээс, ТББ-уудаас төрийн бүх шатны байгууллагуудад нотлох баримттайгаар мэдээлж байсан боловч удаа дараагийн Засгийн газрууд маань үл хэрэгсэж ирсэн байна.
Цахилгаан мотоцикл (Sur-Ron) жолооны үнэмлэх шаардах, улсын дугаартай болгох. Цахилгаан мотоцикл болон бусад өндөр хурдтай явах тээврийн хэрэгсэл нэмэгдэж байгаа учир зам тээврийн хуулиар нэмэлт зохицуулалт хийх дүрэм болон хууль санаачлах, явган хүний замаар явуулахгүй байх. Улсын дугааргүй учир хэн нэг хүнд хохирол учруулаад зугтаж байхгүй болох эрсдэлтэй учир улсын дугаартай болгох зэрэг ажлуудыг шат дараатай хийх. 16 нас хүрээгүй хүүхдүүдэд зөрж борлуулалхгүй байх, унаж зам тээврийн хөдөлгөөнд оролцохыг хуулиар хязгаарлах.
Нийтийн орон сууцанд хэт дуу чимээ гаргах нь хөршүүдийн хооронд маргаан үүсгэж, зөрчилдөж, зарим тохиолдолд хүчирхийлэлд хүрэх нөхцөл байдал үүсч байгаа нь одоогийн байдлаар энэ асуудлыг зохицуулах хууль, стандарт дутагдаж байгааг харуулж байна. Хуулийн төсөлд шаардлагатай заалтууд: -Өдрийн цагаар хүлцэх дуу чимээний зөвшөөрөгдөх дээд хязгаарыг (дБ) тодорхой тогтоох, түүнийг хэмжих туршлагыг нэвтрүүлэх - Хүүхэд болон тэжээвэр амьтны зөрчилд асран хамгаалагчид хариуцлага ногдуулах - Хөршүүдийн гарын үсэг цуглуулж СӨХ-д албан ёсны гомдол гаргах, сануулга хуудас байршуулах - Хэдэн удаагийн сануулах арга хэмжээний дараа зөрчлийг арилгаагүй тохиолдолд шүүхэд хандах эрх үүсэх хуулийн зохицуулалт Хуульчилсан зохицуулалттай болсноор иргэд хуулийн хүрээнд асуудлаа шийдвэрлэх боломжтой болж, хөршүүдийн хоорондын маргаан, зөрчил эрс багасах ач холбогдолтой тул та энэхүү санаачилгыг дэмжиж, гарын үсгээ зурна уу!
"Автотээврийн тухай хууль"-д 2023 оны 12 дугаар сарын 07-ны өдрийн 17.1.5, 17.1.6, 17.1.7 заалтуудаар оруулсан нэмэлт өөрчлөлтүүдийг хүчингүй болгож, НИТХ-ын 2024 оны 18 дугаар тогтоолоор баталсан "Нийслэл хотод олгох тээврийн хэрэгслийн улсын бүртгэлийн дугаарын дээд хязгаарыг тогтоох тухай" журмыг цуцлах. Түгжрэлийг бууруулах төсөл нэрийн дор тээврийн хэрэгслийн улсын бүртгэлийн дээд хязгаарыг баталснаар, нийгэмд сөрөг үр дагавар үүсч, улсын дугаарын үнийн зохимол хөөрөгдөл бий болсон. Мөн "Нийслэл хотод автотээврийн хэрэгслийн улсын бүртгэлийн дугаар олгох шалгуур үзүүлэлтийг батлах тухай" НЗД-ын захирамж нь ард иргэдийг автомашинаа сайжруулах, солих боломжийг үгүй хийж, Монгол улсын Үндсэн хуулийн 14.2 "Хүнийг хөрөнгө чинээгээр ялгаварлан гадуурхахыг хориглоно" заалтыг зөрчсөн үйлдэл юм.
Улаанбаатар хотын тээврийн хэрэгсэлийн татварын нэмэгдэлийг цуцлах
Монгол Улсын иргэний хувьд бидний түүх, өв соёлын хамгийн эрхэм билэг тэмдэг болсон Их эзэн Чингис хааны нэр, дүрийг архи, согтууруулах ундаа, түүнтэй төстэй бараа бүтээгдэхүүн, үйлчилгээний маркетинг, сурталчилгаанд ашиглах явдлыг зогсоож, үндэсний бахархал, их хааны үзэл баримтлалыг өргөн дээдлэх цаг болсон гэж үзэж байна.
Одоогоор мөрдөгдөн хэрэгжиж байгаа НДШ - ийн хувь хэмжээг бууруулж 12% д хүргэж өгнө үү? Шимтгэлийн бууруулсан хэмжээг НД санд бүрдүүлэх өөр арга зам байна гэж үзэж байна. Жил бүр орж ирдэг 1072 хувьцааны ноогдол ашгийг ажил эрхлэгч өөрийн хүсэлтээр нийгмийн даатгалын санд шилжүүлбэл дараа жилийн нийгмийн даатгалын шимтгэлийг 12% хүртэл бууруулж өгдөг байх. Энэ нь бараа бүтээгдэхүүний үнийн өсөлт инфляцад нөлөөлөхгүй байх төгрөгийн ханш унахгүй байх боломжийг бүрдүүлэх юм.
Гаднаас баталгааны гэрчилгээгүй юунд зориулсан нь тодорхой бус эм бэлдмэлүүдийг их хэмжээгээр оруулж ирж тэнгэрт тулсан үнээр иргэдэд зарж эрүүл мэнд болон санхүүгийн асар их хохиролд оруулж байна....!!!
Бид 2018 оноос эхлэн Монгол, Хятадын улсын хилийн дагуу Монгол Улсын талаас Өмнөговь аймгийн Хүрмэн сумын нутаг Цагаан дэл уулын чиглэлд, Хятадын талаас БНХАУ-ын ӨМӨЗО-ны Альшаа аймгийн Альшаа зүүн хошууны нутаг Өлзий уулын чиглэлээр хоёр талын зорчигч, ачаа тээврийн "Цагаан дэл уул–Өлзий" байнгын ажиллагаатай авто замын боомт нээсэн Засгийн газрын тогтоолыг хүчингүй болгуулахаар ажиллаж байгаа юм. Иргэд Засгийн газрын 2014 оны 02 дугаар сарын 21-ны өдрийн 46 дугаар тогтоолыг хүчингүй болсон хуулийг үндэслэсэн илт хууль бус захиргааны акт гэж үзэж байгаа билээ. Ийм учраас Монгол Улсын Үндсэн хуулийн Дөчин тавдугаар зүйлийн 2 дахь хэсэгт “Засгийн газрын тогтоол, захирамж нь хууль тогтоомжид нийцээгүй бол Засгийн газар өөрөө буюу Улсын Их Хурал хүчингүй болгоно” гэж заасны дагуу Засгийн газрын 2014 оны 02 дугаар сарын 21-ны өдрийн 46 дугаар тогтоолыг Улсын Их Хурлаар хэлэлцэж хүчингүй болгуулах гэсэн хүсэлтийн хүрээнд 33 000 /гучин гурван мянга/ иргэний гарын үсэг цуглуулах
Нийтийн сонсголын тухай хуулийн 6.2.2. Ерөнхий хяналтын, 6.2.5.захиргааны хэм хэмжээний болон төлөвлөлтийн, 6.2.9.хүний эрх, эрх чөлөөг хангахтай холбоотой хяналтын сонсголыг зохион байгуулах гэснийг тус тус үндэслэн “Газар олголтын сонсгол”-г зохион байгуулж ГАЗРЫН ТУХАЙ ХУУЛИЙН 4 дүгээр зүйл.Төрөөс газрын талаар баримтлах зарчим 4.1.3.газар өмчлөх, эзэмших, ашиглахад шударга ёс, тэгш байдлыг хангах болон бусад холбогдох үйл ажиллагааны төсөв, гүйцэтгэл, үүний ил тод байдалд үнэлгээ хийж, цаашид хэрэгжих төлөвлөгөө, хөтөлбөрүүдийг сайжруулахыг шаардаж байна.
