2026 оны 7 дугаар сарын 2-ны өдөр батлагдсан холбогдох хуулийн зохицуулалтаар цэргийн тэтгэвэр авагчдыг суурь тэтгэвэрт хамруулах болсон боловч өмнө нь цэргийн тэтгэвэр тогтоолгосон иргэдээс эрэгтэй 60, эмэгтэй 55 нас хүрсэн тохиолдолд суурь тэтгэвэр тооцон олгохоор насны босго тогтоосон байна. Цэрэг, Зэвсэгт хүчин болон хүчний байгууллагын алба хаагчид тусгай нөхцөл, өндөр хариуцлага, эрсдэл, байнгын бэлэн байдлын шаардлагад олон жил үүрэг гүйцэтгэж, хуулиар тогтоосон шалгуурыг ханган цэргийн тэтгэвэр авах эрхээ үүсгэдэг. Иймд хуулийн дагуу цэргийн тэтгэвэр тогтоолгосон иргэдийг суурь тэтгэвэрт хамруулахдаа эрэгтэй 60, эмэгтэй 55 насны босгоор дахин ялган зохицуулж буй асуудлыг эргэн харж, наснаас үл хамааран суурь тэтгэвэрт хамруулах боломжийг судлан, холбогдох хууль тогтоомжид нэмэлт, өөрчлөлт оруулах асуудлыг Улсын Их Хурлаар хэлэлцүүлэхийг хүсэж байна.
Хүндрүүлсэн хүчингийн хэрэгт хөөн хэлэлцэх хугацаа тооцохгүй болгох тухай
Хөдөлмөрийн хуульд хүүхэд 1 нас хүртэл хүүхэд хөхүүлэх нэг цагийн чөлөө олгохоор заасан байдаг. Үүнийг хүүхдийг 2 нас хүртэл болгохыг хүсэж байна. Хүүхдээ бага сартайд нь ажилдаа орсон ээжүүд олон байдаг. Иймд тус хуулийн заалтад өөрчлөлт оруулж өгнө үү.
Хүүхдээ төрүүлэн гэртээ суугаа ээжийн банк болон банк бусын зээлийг хүүхэд 3 нас хүртэл нь нь хойшлуулах эсхүл хүү төлөх журмаар хугацаа сунгах боломжтой болгох. Монголд зээлгүй хүн байхгүй тул хөдөлмөр эрхлэх боломжгүй үед санхүүгийн дарамтнаас чөлөөлж, үр хүүхдээ тайван өсгөх боломжоор хангах
2012 оноос хойш сонгуульд ашиглаж буй программ хангамж нь нууц, хаалттай "Хар машин"-ыг бүрмөсөн халж, иргэд саналаа өөрийн нүдээр шалгаж баталгаажуулдаг 100% ил тод, нээлттэй эх код (Open-source) бүхий орчин үеийн технологид шилжихийг УИХ-аас шаардсан өргөдөл. Бидний санал "хар хайрцаг"-т нууцлагдах ёсгүй.
НӨАТ-ын татварыг 1% болгож бууруулах.
Үндэсний бахархалт идлэг шонхор шувууг "соёлын зориулалт" нэрээр гадаадад гаргах, орон нутагт хяналтгүй, тодорхойгүй тоо ширхэгээр барьж байгааг бүрмөсөн хориглох шаардлагатай байна. Амьтны тухай хуульд өөрчлөлт оруулж, жил бүр олгодог барих квотыг тэг (0) болгож, байгаль эхэд нь зэрлэгээр нь үлдээх нийтийн өргөдөл.
Эх, хүүхдийн эрүүл мэнд ба Нийгмийн хамгаалал: Жирэмсний болон амаржсаны тэтгэмжийг олон улсын түвшинд хүргэх шаардлага Манай улсад Нийгмийн даатгалын сангаас олгох тэтгэмжийн тухай хуулиар жирэмсний болон амаржсаны тэтгэмжийн хугацааг 120 хоног буюу ердөө 4 сар (ажлын өдрөөр шилжүүлбэл ~16 долоо хоног)-оор тогтоон олгож байна. Гэвч энэхүү хугацаа нь өнөөгийн олон улсын чиг хандлага, ялангуяа хөгжингүй болон бодлогоороо хүн ам зүйгээ дэмждэг орнуудын жишигтэй харьцуулахад ихээхэн хоцрогдож, хангалтгүй байгаа юм.
Улаанбаатар-Дархан чиглэлийн 202 км урттай, олон улсын болон бүс нутгийн транзит тээврийн А0401 авто зам дээр суурилуулсан 32 гаруй стандартын бус, механик хурд сааруулагчдыг (хурдны овоолго) яаралтай буулгах; Улмаар үндэсний эдийн засаг, иргэдийн халаасанд учруулж буй үлэмж хэмжээний хохирлыг зогсоож, олон улсын жишгийн дагуу ухаалаг "Дундаж хурд хэмжигч камер"-ын системээр солихыг Зам, тээврийн хөгжлийн яам болон холбогдох төрийн байгууллагуудаас шаардаж байна.
Тэтгэвэр авагч эхнэр, нөхрийн нэг нь нас барвал тэтгэврийн 20 хувийг ханийнх нь тэтгэвэрт нэмж олгох буюу хуулийн хэрэгжилт нь 2024 оны 1 сарны 1 нээс хойш нас барсан хүний ар гэрт гэсэн заалт өндөр настангуудаа ялгаварлаж байгаа нь үндсэн хуулинд нас хүйсээр нь ялгаварлаж үл болно гэсэн заалтыг зөрчиж байгаа тул цуцлаж хугацаа заахгүй байх өвлөн авах хувийг нь өсгөх.
Нийгмийн даатгалын шимтгэлийг үндсэн цалингаас суутгах. Төлсөн нийгмийн даатгалын шимтгэл тухайн иргэний нэрийн дансанд шууд орж хуримтлагддаг болох
Сүүлийн жилүүдэд орой болон шөнийн цагаар стандарт бус, нэмэлт тоноглолтой болон тусгайлан чанга дуу чимээ гаргахаар өөрчилсөн яндантай авто машин, мотоцикл зэрэг моторт тээврийн хэрэгсэл орон сууц, гэр хорооллын бүсээр хурд хэтрүүлэн явах тохиолдол ихэсч байна.
