Хугацаа хэтрүүлсэн зээлээ төлсөн хэдийч 5 жил хар жагсаалтанд оруулж шийтгэдэг тогтолцоогоо одоо өөрчилмөөр байна Үнэхээр бусад боломжуудыг хүртэл хааж байна иймд эргэж нэг харж өгнө үү??
Муу түүхээс болж хүмүүс зээл авах болон оноогоо сайжруулар боломжгүй болоод байна
Согтуугаар жолоо барих нь санамсаргүй алдаа биш, хүн өөрөө ухамсартайгаар сонгодог үйлдэл юм. Гэвч Эрүүгийн хуулийн 27.10 дугаар зүйлээр согтуугаар жолоо барьж хүний эрүүл мэнд, амь насанд хохирол учруулсан хэргийг болгоомжгүй гэмт хэрэгт тооцож, согтуурсан байдлыг зөвхөн зүйчлэх шинж болгон авч үздэг. Хохирол учруулаагүй тохиолдолд жолоодох эрхийг ердөө нэг жилээр хасдаг нь дахин зөрчил үйлдэхээс сэргийлэх хүчгүй байна. Согтуурсан үедээ жолооны ард суух үйлдэл өөрөө санаатай, харин үр дагавар нь болгоомжгүй байдлаар илэрдэг тул энэ нь Эрүүгийн хуулийн 2.4 дүгээр зүйлд заасан "гэм буруугийн холимог хэлбэр"-т нийцнэ. Иймд уг үйлдлийг бие даасан хүнд гэмт хэрэгт тооцож, хохирол учраагүй тохиолдолд ч жолоодох эрхийг арван хоёр жилээр хасдаг болгохыг шаардаж байна.
Дүрмийн шалгалтыг чангаруулах (100 асуулт / 0 алдаа): Жолоодох эрхийн шалгалтын асуултыг 20 биш 100 болгож, 1 ч алдаа гаргахгүй (100%) тэнцсэн тохиолдолд л жолоодох эрх олгоно. (Үндэслэл: Дүрмийн дутуу мэдлэгтэй жолоочийг хөдөлгөөнд оролцуулахгүй байх). Үнэмлэхийн хугацааг 3 жил болгох: Жолооны үнэмлэхийн хүчинтэй хугацааг 10 жил биш 3 жил болгож, 3 жил тутамд заавал дахин шалгалт, эрүүл мэндийн үзлэгт оруулж эрхийг сунгадаг болно. (Үндэслэл: Жолоочийн эрүүл мэнд, дүрмийн мэдлэгт тогтмол хяналт тавих). СЭМҮТ-ийн сэтгэцийн оношилгоог заавал болгох: Шинээр эрх авах болон сунгахад Сэтгэцийн Эрүүл Мэндийн Үндэсний Төв (СЭМҮТ) дээр нарийн мэргэжлийн сэтгэц-физиологийн тест, оношилгоонд заавал хамрагдана. (Үндэслэл: Стресс даах чадваргүй, уур бухимдлаа хянадаггүй, сэтгэцийн болон донтох эмгэгтэй хүмүүст жолоодох эрх олгохоос сэргийлэх).
Олон нийтийн нөлөө бүхий этгээдийн (жүжигчин, дуучин, инфлюэнсер, тамирчин гэх мэт) гэрээнд ёс зүйн хариуцлагын заалт тусгах, өөрийн буруутай үйлдлийн улмаас компани, хөрөнгө оруулагчдад учирсан бодит хохирлыг гэрээний дагуу хариуцах эрх зүйн орчныг бүрдүүлэх тухай санал
Нийслэлийн дахин төлөвлөлтийн төслөөс болж олон мянган иргэн газар, орон сууц, мөнгөөрөө хохирч, хэдэн жилийн турш хүлээсээр байна. Бид төслийн хэрэгжилт, тендерийн шалгаруулалт, холбогдох байгууллагуудын хариуцлагад хянан шалгалт хийлгэхээр УИХ-д өргөдөл хүргүүлж байна. 70,000 иргэний гарын үсэг цуглуулж, шударга шийдвэр гаргуулахад нэгдээрэй.
Цахим орчин дахь хуурамч мэдээлэл, гүтгэлгийн урсгалыг таслан зогсоохын тулд "Иргэний цахим үнэмлэх / Тоон гарын үсэг (E-Mongolia/ХУР систем)"-д суурилсан баталгаажуулалтын системийг нийгмийн сүлжээний платформуудтай интеграци хийх шийдлийг нэвтрүүлэх шаардлагатай байна.
Монгол Улсад тамхины хэрэглээг бууруулах, үүний зэрэгцээ боловсролын салбарын санхүүжилтийг нэмэгдүүлэх зорилгоор тамхины онцгой албан татварын орлогыг Боловсролын хөгжлийн санд төвлөрүүлж, оюутны тэтгэлэг, их сургуулийн цогцолбор, эрдэм шинжилгээний лаборатори, судалгаа, инновацын төв байгуулахад зарцуулах эрх зүйн зохицуулалт бий болгохыг санал болгож байна.
