Хичээлийн шинэ жилийг 3 сарын 1нд болгож өвлийн улирал буюу 12, 1, 2-р саруудад амардаг болгох, элсэлтийн шалгалтыг 12-р сард болгох. Ингэснээр ханиад томууны улиралд бүх нийтийн цугларах үйл ажиллагааг багасгах, өвчлөл буурах ач холбогдолтой.
Улаанбаатар хот нь Монгол Улсын нийслэл бөгөөд Монгол улсын цорын ганц саятан хот юм. 1992 оны шинэ нутаг дэвсгэрийн хуваариар үндсэн 6, дагуул 3, нийт 9 дүүрэгтэй, нутаг дэвсгэрийн хэмжээ 4,704.4 км2 газартай. 2022 оны эцсээр 1,665,469 хүн оршин сууж байна. Тус өргөдлөөр хотын даргыг нийслэлийн иргэд шууд сонгодог байсан бол МАН-ын Удирдах зөвлөлөөс Сумьяабазар болон Нямбаатар нарыг 100% сонгохгүй байсан, энэ хэдэн гишүүд ч их хурлын суудлаас татналзаж нэр дэвших нь юул бол. Даанч Үндсэн хууль болон Монгол Улсын Засаг захиргаа нутаг дэвсгэрийн нэгж түүний удирдлагын тухай хуульд "аймаг, нийслэлийн Засаг даргыг харьяа НИТХ нь хуралдаж, сонгон Ерөнхий сайд батламжилна" гэж заасан нь төлөвшөөгүй улстөрчдийн хувьд нийслэлийн 1.6 сая иргэний эрх ашиг юу ч биш болж хувиргах нь тэр. Тиймээс холбогдох хуулийн зүйл заалтад яаралтай өөрчлөлт оруулж ХОТЫН ЗАСАГ ДАРГАА ИРГЭД ӨӨРСДӨӨ СОНГОДОГ тогтолцоонд шилжиж намын өмнө бус цэвэр иргэдийн өмнө хариуцлага хүлээх хүнээ сонгье!
Инфляци бол хэрэглээний үнийн индексийн өнгөрсөн хугацаанаас одоог хүртэл өөрчлөгдсөн темп прирост. Хэрэглээний үнийн индексэд 329 бараа оруулж бодит бус сагс бүрдэж байна. Ядуу айл 329 бараа хэрэглээгүй. Дийлэнх нь 10 хүрэхгүй хэрэглээний сагстай байна. Тиймээс эдийн засгийн үзүүлэлт болох ядаж инфляциа зөв гаргахын тулд Хэрэглээний үнийн индекст орох барааг сагс бүрдүүлэхэд олон нийтээс асуудаг болъё!
₮1 сая хүртэлх орлогод ХХОАТ 0% ногдуулбал иргэдийн амьжиргааг сайжруулах, дундаж давхрагыг тэлэх, эдийн засгийн өсөлтийг дэмжинэ
5н шар товчооны зам сонсголонгын замын хөдөлгөөны ачааллыг багасгах
Баянзүрх дүүргийн 10 дугаар хороо 1р хэсэгт орших 8 блок 780 айлын орон сууцны дундуур гардаг төмөр замын шугамтай тус хотхоны оршин суугчдын орж гарах авто зам огтлолцдог. Уг гармаар хоногт галт тэрэг 6 удаа, тээврийн хэрэгсэл давтамжтай тоогоор 400 хүртэл байдаг боловч гарцыг Монгол-Оросын хувь нийлүүлсэн Улаанбаатар төмөр зам нийгэмлэгийн 2023 оны 02/892 дугаартай албан бичгээр 10 сарын 01-ний өдрөөс хаасныг эргүүлэн нээлгэх хүсэлтэй байна.
Монгол Улсын Засгийн газар 2012 онд “Эрдэнэс Таван Толгой” ХК-ийн нийт хувьцааны 20 хувь болох гурван тэрбум ширхэг хувьцааг 2012 оны 4-р сарын 11-нээс өмнө төрсөн, иргэний шинэчилсэн бүртгэлд хамрагдсан Монгол Улсын иргэн бүрт үнэ төлбөргүй эзэмшүүлэхээр болсон.
Одоогийн байдлаар монгол улсын иргэн тус бүрд Эрдэнэс Таван толгой ХК-ий 1072 ш хувьцааг эзэмшүүлсэн. Энэ нь тухайн компаний нийт хувьцааны хэдэн хувь болох талаар эрх зүйн зохицуулалт, тооцоолол байхгүй байна. Мөн төрийн өмч гэх нэрийн дор Монголын нийт ард түмний баялаг болох ашигт малтмал эзэнгүйдэж, үнэгүйдэж, үргүйдэж үүнээс үүдэн хулгай нүүрлэлээ. Иймд ард түмэнд өмчийг нь хувьцаа хэлбэрээр олгож, өмчөө эзэнтэй болгох цаг ирлээ. Мөн монгол улсын ард иргэд өмчтэй, баялагтай, баялагаа тэгш хүртээмжтэй ашиглах боломжийг хангах нь төрийн үүрэг мөн.
Ардчилсан хувьсгалаас хойших шинэ тогтолцооны 33 жилд боловсролын чанар алхам алхмаар ухарсаар байна. Үүний гол шалтгаан нь төр засгийн зүгээс боловсролын салбар руу чиглэсэн тогтвортой, шийдвэртэй арга хэмжээг авахгүй орхигдуулж ирсний үр дагавар. Монголын төр сүүлийн 30 гаруй жилд эх орныхоо ирээдүй болсон хүүхэд багачуудыг сурган хүмүүжүүлдэг багш нар, эрдмийн гэрэлт өргөө болсон сургууль, цэцэрлэгийн үйлчилгээний ажилтнуудын цалин хөлсийг дорвитой нэмэгдүүлэлгүй аргацаасан арга хэмжээ авч ирснээр олон мянган чадварлаг багш нар боловсролын салбараас дүрвэн дайжсаар байна. 2023-2024 оны хичээлийн жилд боловсролын салбар 15 хувийн боловсон хүчний хомсдолд орсныг тоо баримтаар харж болно. Боловсролын салбараа хүний нөөцийн хомсдлоос гаргах, боловсролын чанарыг сайжруулах үндсэн арга зам нь салбарын багш, ажилтнуудын цалин хөлс, нийгмийн баталгааг сайжруулах явдал мөн. Иймээс төрийн зүгээс нэн яаралтай шийдвэртэй арга хэмжээ авах шаардлагатай байна.
Иргэний шүүхээр шийдвэрлэгдэх гэж удаж Шийдвэр гүйцэтгэх байгууллага дээр тухайн төлбөр төлөгч төлбөрийн чадваргүй, битүүмжлэх хөрөнгөгүй, ажилгүй байдаг тул шүүхийн шийдвэр гүйцэтгэх тухай хуулинд өөрчлөлт оруулж шийдвэр гүйцэтгэх ажилтан тухайн төлбөр төлөгчид ажил санал болгох ажлыг Хөдөлмөр халамжийн байгууллагад бүртгэлтэй хөдөлмөрийн бирждээрх өндөр цалинтай ажил санал болгох, цалингийн 45 %-ийг төлбөр хүлээн авагчид шилжүүлсэнээр ажлын байраар тогтмол хангагдаж тухайн хууль зөрчигчийг зөв иргэн болгож төлөвшүүлэх замаар учруулсан гэм хор, хохиролыг барагдуулах нөхцөл болно.
Монгол Улс нь “Цахим үндэстэн” болох чиглэл баримталж байгаа хэдий ч сонгууль өгөх боломжид өөрчлөлт оролгүй уджээ. Улмаар сонгуулийн идэвхи 99%-аас 73.6% болж муудсан бол залуусын оролцоо 50% хүртэл муудлаа. Энэхүү асуудлыг шийдэх гарц нь цахимаар дамжуулж сонгууль өгөх ба Монгол Улсын хувьд 1.6 сая хэрэглэгчтэй EMONGOLIA аппликейшнээр дамжуулж сонгууль өгөх юм. Иймд энэхүү боломжийг бүрдүүлэхэд нийт иргэдээсээ дэмжлэг хүсч байна.
Улс орныхоо ирээдүйн эздийг тээж, төрүүлж, өсгөж хүмүүжүүлэхээр гэртээ сууж байгаа ээж нарт тэднийгээ зөв суурьтай, зөв хүмүүжилтэй, зөв иргэн байхад сэтгэл зүрхээ бүрэн зориулахад сэтгэл санаа амар байх хэмжээний цалинтай болгож өгнө үү.
