Монгол Улсын татварын ерөнхий газар аль нэг аж ахуйн нэгжид шалгалт орсны улмаас үүссэн татварын нөхөн төлбөр, акт, алданги, торгууль гэх мэт маш олон дарамтыг нэгэн зэрэг давхардуулж үүсгэж байгаа нь бодитой төлөгдөх тал дээр маш их ачаалал, зөрүү үүсгэж байна.
Ажилтны ХХОАТ болон НД-ын шимтгэл төлөлтийг бууруулах. Цалингын доод хэмжээ нэмэгдсэнээр ХХОАТ болон НД-ын шимтгэл төлөлт нэмэгдэнэ.
Монгол Улсад орон сууцны түрээсийн зах зээл хурдацтай тэлж байгаа ч хууль эрх зүйн тодорхой зохицуулалт дутмаг байгаагаас үүдэн түрээслэгч болон түрээслүүлэгчдийн дунд маргаан их гарч байна. Түрээсийн барьцаа мөнгийг үндэслэлгүй буцааж өгөхгүй байх, түрээсийн үнийг богино хугацаанд үндэслэлгүй нэмэх, гэрээний хугацаа дуусаагүй байхад шалтгаангүйгээр хөөж гаргах зэрэг эрсдэл түрээслэгчдэд түгээмэл тохиолддог. Олон улсын туршлагад (тухайлбал ХБНГУ, БНКОУ)-д түрээсийн гэрээний доод хугацаа, үнийн нэмэгдлийн дээд хязгаар (жишээ нь жилд 5%-иас хэтрэхгүй байх), барьцаа мөнгийг төрийн болон тусгай системд хуулийн дагуу баталгаажуулан хамгаалах зохицуулалт байдаг. Иймд Монгол Улсад орон сууц түрээслэгчдийн эрх ашгийг хамгаалсан, барьцаа мөнгөний аюулгүй байдлыг хангасан, түрээсийн үнийн дарамтыг бууруулсан тусгайлсан хууль боловсруулж, эрх зүйн орчныг шинэчлэн сайжруулахыг УИХ-аас шаардаж энэхүү өргөдлийг гаргаж байна.
Цалинтай ээжийн мөнгө 0-4нас хүртэл хүүхэд бүрт 200000 төгрөг болгох
Иргэд ажилгүйдлийн тэтгэмжийг ажилласан хугацаанаас хамаарч 50-70%-р бодуулж, ажлын 76 хоног авдаг. Харин албан тушаалтан 6 сар буюу 126 хоног авдаг. Хууль иргэдэд тэгш үйлчлэх ёстой.
ЕБС -ийн хичээл эхлэх "9 дүгээр сарын 1" гэж хөдлөшгүй тогтсон хугацааг Монгол орны цаг уурын онцлогт тохируулж өөрчлөх нь зун намрын дэлгэр цагт хүүхдийн эрүүл мэндэд сайнаар нөлөөлнө.
Монгол улс ардчилсан Үндсэн хуулиа баталсан билээ. Гэвч сүүлийн үед хурдан морины уралдаанч хүүхдийн асуудлаар нийгмийг талцуулан хувааж, үндэсний морин уралдааныг харлуулан гутаах ил далд үйл ажиллагаа идэвхжиж, үндэсний их өв соёл болсон үндэсний уламжлалт морин уралдааныг устгах бодитой аюул эрсдэл үүсээд байна. Монголчууд эрт дээр үеэсээ “морь хүүхэд эсэн мэнд наадсан сайхан наадам боллоо” хэмээн бэлэгшээдэг нь бидний өвөг дээдэс хүүхдийн эрхийг хэрхэн хүндэлж ирсний баримт нотолгоо мөн билээ.
1. Зах зээлийн хөгжлийн 36 жилийн явцад иргэдээ үнэлэх шудрага үнэлэмжийн тогтолцоо алдагдсанаас улс оронд ёс суртахуунгүйн гамшигт зуд өнөөдөр Монгол Улс-д нүүрлээд байна. 2. “ ОЮУНЫ ХЭМЖҮҮР БОЛ ӨӨРЧЛӨГДӨХ ЧАДВАР ЮМ. гэж Германы агуу алдартай онолын физикч эрдэмтэн АЛЬБЕРТ. ЭЙНШТЕЙН. 1879-1955 он”аль эрт хэлжээ. 3. Зах зээлийн үсрэнгүй хөгжлийн үндэс бол : Иргэн бүрийг өөрийн Үнэлэмжтэй, Үнэлгээтэй, Үнэтэй байхыг шаарддаг үүрэг, хариуцлагатай нийгэм билээ.
Хэвлэл мэдээлэлийн байгууллагатай хаалтын гэрээ байгуулахыг хориглох тухай
Иргэдийн амьдрал, эдийн засагт эерэг нөлөөтэй хууль эрх зүйн орчинтой болох.
Нийт Монгол хэл бичгийн шалгалт өгч буй сурагчдын 15% шахуу нь босго оноондоо хүрч чадаагүй. Шалгалтандаа унасан ихэнх хүүхдүүд үндэсний бичгээ уншиж чадаагүйгээс болж унасан. Мөн 2025 онд үйлчилгээний газруудын хаяг самбаруудыг үндэсний бичгээр давхар бичихээр болгосон ч хэрэгжилт нь төдийхөн харагдахгүй байгаа юм.
Хүүхдийн тоогоор цахилгаан, дулааны зардлаас хөнгөлөлт үзүүлэх нь хүн амын өсөлт, төрөлтийг дэмжих төрийн бодлого болж байгаа юм.
