1. Хууль санаачлах шаардлага, үндэслэл Залуусын оролцоог дэмжиж, улс төрийн шийдвэр гаргалтыг тэнцвэржүүлэх: Одоогийн системд ахмад настнуудын ирц өндөр байдаг бол залуучууд сурч, ажиллаж буй байршлаас хамааран ирц бага байдаг. Сонгуулийг цахимжуулснаар залуу үеийн оролцоо 80-90%-д хүрч, сонгуулийн дүн бодитоор залуусын дуу хоолойг илэрхийлдэг болно. "Жалга довны" бодлогыг халах: Нутаг дэвсгэрийн жижиг тойрогт суурилсан систем нь Улсын Их Хурлын гишүүдийг зөвхөн өөрийн тойрогтоо төсөв хөөцөлдөх явцуу сонирхол руу түлхдэг. Улсыг нэг сонгуулийн тойрог болгосноор төрийн бодлого үндэсний хөгжилд чиглэнэ. Иргэдийн санал гээгдэхээс сэргийлэх: Өөр аймаг, хотод түр ажиллаж байгаа болон уул уурхай, барилга, зам тээвэр гэх мэт салбарт ажиллаж буй иргэд хаягийн зөрчил, орон зайн зайлшгүй шалтгаанаас болон сонгох эрхээ эдэлж чаддаггүйг зогсооно. Нэр дэвшигчдийн чанар ба Ил тод байдал: Иргэд нэр дэвшигчийн бодит түүх, гарал угсаа, боловсрол, хөрөнгө орлогыг харж сонгох
1995 оны хүчин төгөлдөр мөрдөгдөж буй уг хуулийн 16.1-д "Өргөдөл, гомдлыг хүлээн авсан өдрөөс хойш 30 хоногт багтаан шийдвэрлэнэ. Шаардлагатай тохиолдолд уг хугацааг ... 30 хүртэл хоногоор нэмж сунгаж болно" гэж заасан. Иргэнийг нийт 60 хоног хүлээлгэдэг энэ заалт нь цахимжсан өнөө үед дэндүү урт, хүнд сурталтайд тооцогдож байгаа бөгөөд Хуулийн шинэчилсэн найруулгаар дараах байдлаар өөрчлөх санал гаргаж байна. :Үндсэн хугацааг багасгах: Энгийн болон цахим өргөдлийг ажлын 7-15 хоногт (эсвэл хуанлийн 14 хоногт) багтаан шийдвэрлэдэг болох. Сунгалтыг 14 хоног болгох: Хэрэв нэмэлт шалгалт, газар дээр нь очих ажиллагаа шаардлагатай бол сунгах хугацааны таазыг хуучин шиг 30 хоног биш, максимум 14 хоногоор хязгаарлах. 2. Хугацааг ийнхүү багасгахад гарах дараах давуу талууд гарна Төрийн албаны хариуцлага нэмэгдэнэ: Төрийн албан хаагчид асуудлыг "хойш нь тавих" боломжгүй болж, цаг хугацаандаа шахагдаж ажиллана.Цахим системийн давуу тал ашиглагдана:
Хувь Хүний Орлогын Албан Татварыг багасгах хэрэгтэй байна ядаж жилийн 80 саяас доош орлоготой иргэдээ чөлөөлөх хэрэгтэй байна.
Зөрчил илгээх нь нийгмийн сайн сайхны төлөөх үйлдэл биш ашгийн төлөөх үйлдэл болж хувирсан. Нийгэм дэх стресс нэмэгдүүлэх, маргаан, хэрүүл, хүчирхийллийн эрсдэл, хөршийн сөрөг харилцаа, нэг нэгнээ хардах, сэжиглэх зэрэг олон сөрөг үр нөлөө бий болгож байна. Тиймээс зөрчил илгээсэн хүн ашиг хүртдэггүй зөвхөн сайн сайхны төлөө хийдэг үйлдэл болгох. Зөрчил гаргасан хүнд торгуулийн шийтгэл бол хэвээрээ байх
Монгол Улсын хүн амын өсөлт, төрөлтийг бодитойгоор дэмжих, олон хүүхэдтэй гэр бүлийн амьжиргааг дээшлүүлэх, хүүхэд өсгөн хүмүүжүүлэхэд шаардагдах санхүүгийн дарамтыг бууруулах зорилгоор дөрөв буюу түүнээс дээш хүүхэдтэй гэр бүлийн ажил эрхэлж, хөдөлмөрийн орлого олж байгаа эцэг, эхийн хувь хүний орлогын албан татварыг 50 хувиар хөнгөлөх эрх зүйн зохицуулалтыг бий болгох шаардлагатай байна.
Төрийн үйлчилгээний албан хаагчдад 5 жил тутамд ажилласан хугацааны урамшуулал олгодог эрх зүйн зохицуулалтыг бий болгож, төрийн албан хаагчдыг ялгаваргүй, адил тэгш хамруулах санал гаргаж байна. Олон жил төрийн албанд тогтвортой ажиллаж буй албан хаагчдын хөдөлмөрийг үнэлж, нийгмийн баталгааг нэмэгдүүлэх нь зүйтэй гэж үзэж байна.
Оюутнууд хичээлийнхээ хажуугаар цагийн болон түр хугацааны ажил хийж амьдралын зардлаа нөхдөг. Гэвч богино хугацаанд ажилласан ч нийгмийн даатгалын шимтгэл төлөх шаардлага нь оюутан, ажил олгогчдод санхүүгийн дарамт болж байна. Иймээс оюутан, суралцагчдын хөдөлмөр эрхлэлтийг дэмжих зорилгоор НДШ-ийн зохицуулалтыг шинэчлэх шаардлагатай байна.
Автотээвэр болон өөрөө явагч хэрэгслийн албан татвар, авто зам ашигласны төлбөрөөс дугаарын хязгаарлалттай өдөр болон тэгш сондгой хуваарилалттай өдрүүдийг хувьчлан хасах, шударга төлбөрийн тогтолцоог бий болгох
Ослын 60-70% гарцаар гарч байхдаа осол аваарт орж бна бид гүүрэн нүхэн гарцаа маш яааралтай шийдэх хэрэгтэй бродиур солиж байхаар гүүрэн гарц хэдэн 100г хийх төсөв цацлаа одоо болиулах цаг болсон бид эрүүл аюулгүй орчинг бүрдүүлж өг гэж 1 гишүүны санал хэрэгтэй гэж сонгож 126 болгоод байхад яаагад өдийг болтол хэнч ийм юм ярихгүй бна одоо шийдүүлэх цаг болсон хүүхэд төрүүл улс мөнгө өгий гэсэн хэрнээ хамгаалах талд бодит юу хийсэн гэж вэ устгаж бна алж бна
Монгол Улсын барилга болон уул уурхайн салбарт ажилтнуудын цалин хөлсийг олон сараар саатуулах, олгохгүй завшиж хохироох асуудал иргэдийн амьжиргаа, нийгмийн баталгаанд сорилт болсоор байна. Үйлдвэрлэлийн эрсдэлтэй, хүнд нөхцөлд хөдөлмөр эрхэлж буй иргэдийн цалинг компанийн санхүүгийн эрсдэлээр хаацайлан хугацаа хэтрүүлэхийг таслан зогсоох шаардлагатай. Энэхүү өргөдлөөр Хөдөлмөрийн тухай хууль болон салбарын холбогдох зохицуулалтад өөрчлөлт оруулж, цалингийн эрсдэлээс хамгаалах баталгааны санг турших, цалин тавиагүй ажил олгогч болон компанийн удирдлагад хүлээлгэх эрүү болон иргэний хариуцлагын чангаруулалтыг хуульчлахыг Улсын Их Хуралд уриалж байна. Цалин бол компанийн өөрийн мөнгө биш, ажилтны баталгаат хөдөлмөрийн бодит үнэлгээ юм.
Улаанбаатар дугаартай автомашин нь бүтэн жил хугацаанд хотод яваагүй бол татварын мөнгөнөөс нь хасаад хотод ороод явсан өдрөөр нь тооцдог болгомоор байна.
Гадны хандив, тусламжаар ирсэн, бүтсэн хөрөнгө бараанд УИХ-ын гишүүн, яам, агентлагийн дарга нар нэрээ хавчуулах, оролцоогоо дөвийлгөх үзэгдэл газар аваад өгсөн талдаа ч эвгүй сэтгэгдэл төрүүлж, ард түмний ч дургүйцлийг хүргэж байна. Үүнийг журамлаад болиулъя.
