Улсын Их Хурал 1991, 1996, 2000, 2006, 2009, 2015, 2021 онд нийт долоон удаа Өршөөл үзүүлэх тухай хуулийг баталсан байна. Энэ нь “хүнлэг, энэрэнгүй байх” зарчмыг баримталж байгаагийн тод илэрхийлэл гэж үзэж болно. Энэ үүднээс авч үзвэл, Их Монгол Улс байгуулагдсаны 820 жилийн ойг тохиолдуулан өршөөл үзүүлэх тухай хуулийг 2026 онд баталсан тохиолдолд найм дахь удаагийн хууль гэдгээрээ онцлог болох юм. Өмнө нь, Монголын тулгар төрийг үүсгэн байгуулсны 790 жилийн ойг тохиолдуулан өршөөл үзүүлэх тухай Монгол Улсын хуулийг 1996 оны 8 дугаар сарын 22–ны өдөр, Их Монгол Улс байгуулагдсаны 800 жилийн ойг тохиолдуулан өршөөл үзүүлэх тухай Монгол Улсын хуулийг 2006 оны 6 дугаар сарын 23–ны өдөр тус тус баталж ирсэн уламжлалтай байна. Иймд энэ байдлыг харгалзан Өршөөл үзүүлэх тухай хуулийг энэ ондоо багтаан батлах санал санаачлагыг гаргаж байна. Энэхүү нийтийн тусын тулд, нийтийн ашиг сонирхлын үүднээс гаргасан өргөдлийг дэмжиж өгөхийг Та бүхэнд уриалж байна
Монголын ихэнх ахмадуудын тэтгэвэр амьдралд нь хүрэлцэхгүй, зээлтэй , нэг сарын хэрэглээгээ ч бүрэн хангаж чадахгүй байдалд байна.
Нийгэмд архидалт хэрээс хэтэрч Монгол хүний дундаж наслалтад сөргөөр нөлөөлж гэмт, хэрэг, гэр бүл, хүүхдийн хүчирхийллийн үндсэн шалтгаан болж байна. Монгол хүний өвчлөл, нас баралтын тэргүүлэх шалтгаан нь архины хэт их хэрэглээ болсон. 270 хүн тутамд 1 архины дэлгүүртэй болж Монгол дэлхийд байхгүй архи худалдаалах цэгийн өндөр нягтралтай улс болсон байна. Үүнд төрийн хяналт, зохицуулалт сул байна.
Сүүлийн жилүүдэд зүрх судасны өвчин, таргалалт, чихрийн шижин, бодисын солилцооны эмгэг, цусны даралт ихсэх зэрэг өвчлөл Монгол Улсад эрчимтэй нэмэгдэж байгаа нь хүнсний аюулгүй байдал, тэр дундаа үйлдвэрийн аргаар боловсруулсан хүнсний бүтээгдэхүүн дэх транс тосны хэрэглээтэй шууд холбоотой талаар олон улсын судалгаанууд тогтоосон байна. Дэлхийн Эрүүл Мэндийн Байгууллагаас транс тосыг хүн төрөлхтний эрүүл мэндэд аюултай хүнсний найрлага гэж үзэн улс орнуудад хууль эрх зүйн зохицуулалт хийхийг зөвлөсөн бөгөөд олон улс транс тосны агууламжийг хязгаарлах, бүрэн хориглох бодлого хэрэгжүүлж эхлээд байна. Бид иргэдийнхээ эрүүл мэндийн төлөө зайлшгүй санаачлах шаардлагатай хууль мөн тул 2018 оноос хойш судалгаа хэлэлцүүлгүүд явуулсан билээ. Та бүхнээс эрүүл ирээдүйн төлөө дэмжлэг хүсч байна.
НӨАТ-н хуулийн энэ заалт нь ИРГЭД сүү, мах, гурил, хүнсний ногоог 6 болон 8-н нэрийн жижиг дэлгүүрээс хямд үнээр авах боломжийг хааж байна. Энэ заалт нь НОМИН, Е-МАРТ, Миний дэлгүүр, Оргил, Кэрифур гэх 5-н том сүлжээ дэлгүүрт давуу эрх олгож, жижиг дэлгүүрийг хаалгаа барихад нөлөөлж байгаа учраас ШУДАРГА ӨРСӨЛДӨӨНий зарчмыг шаардан хүчингүй болгож өгнө үү.
Хугацаа хэтэрсэн зээлээ бүрэн төлж барагдуулсан боловч Зээлийн мэдээллийн сангийн (хар жагсаалт) сөрөг түүхээс болон дахин зээл авах, санхүүгийн үйлчилгээ авах эрх нь хязгаарлагдаад байгаа олон мянган иргэдийн эдийн засгийн эрх чөлөөг сэргээх зорилготой. Цар тахал болон эдийн засгийн хямралын нөлөөгөөр зээлийн ангилал буурсан иргэдийг нэг удаадаа "хар жагсаалт"-аас гаргаж, дахин санхүүгийн эргэлтэд орох боломжийг олгох хуулийн зохицуулалт хийлгэхийг хүсэж байна. Энэхүү өргөдлийг дэмжсэнээр иргэдийн амьжиргаа дээшлэх, бизнесийн идэвхжил сэргэх бодит нөхцөл бүрдэнэ.
Монгол Улсын Үндсэн хууль, Нийтийн сонсголын тухай хууль, УИХ-ын Хяналт шалгалтын тухай хуульд тулгуурлан Улаанбаатар хотын 2024, 2025, 2026 оны төсвийн хяналтын сонсгол хийх шаардлага үүсээд байна. Сүүлийн жилүүдэд нийслэлийн төсөв эрчимтэй өсөж, 2016–2018 онд 1.1 их наяд төгрөг байсан бол 2024 онд 3.7 их наяд, 2025 онд 6 их наяд төгрөгт хүрчээ. Үүнтэй зэрэгцэн 2025–2028 онд хэрэгжих 24 мега төсөл, тухайлбал метро, Туулын хурдны зам зэрэг нь асар их хөрөнгө оруулалт шаардаж байгаа тул ил тод, үр дүнд суурилсан төсвийн хяналт зайлшгүй хэрэгтэй байна. Мөн томоохон тендерүүдэд гадаадын аж ахуйн нэгжүүд давамгайлж буй нь нийтийн хөрөнгө, татварын мөнгө иргэдийн эрх ашигт нийцэж зарцуулагдаж байна уу гэсэн эргэлзээ төрүүлж байна. Иймээс энэхүү сонсгол нь иргэдийн мэдэх эрхийг хангаж, төсвийн зарцуулалтын ил тод байдлыг нэмэгдүүлэн, хотын захиргааны хариуцлага, олон нийтийн итгэлийг бэхжүүлэх ач холбогдолтой.
Нийслэлчүүд бидний цаг зав эдийн засагт олон жилийн турш сөргөөр нөлөөлж ирсэн түгжрэлийг бууруулах чухал шаардлагатай төслийг яаравчлан эхлүүлэх тухайд
Автомашины болон зам ашигласны татварыг буцааж бууруулах шаардлагыг хүргүүлж байна.
Багийн Засаг даргыг сонгох сонгуулийг боловсронгуй болгох талаар санал оруулж байна. 1. Багийн Засаг даргыг сонгох сонгуулийг ажлын өдөр биш амралтын өдөр явуулдаг байх, 2. Нэг дор олон хүнийг цуглуулан хаалга барьж түгжин, санал хураалтыг шийддэг биш, өглөө 9 цагаас оройн 18 цагийн хооронд санал хураалтыг явуулж иргэдийн санал өгөх боломжийг хангах, 3. Тухайн сонгуульд санал өгөх зорилгоор иргэд замбараагүй шилжилт хийж байна. Иймд тухайн сумын ИТХ-аас багийн даргын сонгууль явах тов зарласан өдрөөс эхлэн тухайн суманд шилжилт хөдөлгөөнийг зогсоодог байх зэрэг зохицуулалтийг хиймээр байна.
Монгол Улсын тусгаар тогтнол, үндэсний аюулгүй байдлыг хамгаалахад шийдвэр гаргагчдын хариуцлагыг дээд цэгт хүргэх шаардлагатай байна. Гадны нөлөө улам далд хэлбэрт шилжиж байгаа тул дараах өөрчлөлтийг шаардаж байна: Насаар нь хасах: Гадаад улс, тагнуулын албатай нууцаар хамтарсан, тэдний лоббид автсан нь тогтоогдсон УИХ-ын гишүүн, Сайд нарын улс төрд орох эрхийг насаар нь хасах.Илрүүлэх хяналт: Далд ажиллагааг таслан зогсоохын тулд төрийн өндөр албан тушаалтнуудын гадаад дахь данс, хөрөнгө, хамаарал бүхий этгээдүүдийн санхүүд тусгайлан аудит хийдэг болох. Өршөөлгүй ял: Эх орноосоо урвах гэмт хэрэгт оноох хорих ялын босгыг нэмж, ямар ч өршөөл, уучлалд хамруулдаггүй байх.Шууд түдгэлзүүлэх: Гадны ашиг сонирхлын зөрчил илэрсэн тохиолдолд бүрэн эрхийг нь нэн даруй түдгэлзүүлэн шалгах эрх зүйн орчныг бүрдүүлэх. Төр цэвэр байж, улс хүчирхэг байна. Эх орныхоо эрх ашгийг хамгаалах энэхүү санаачилгыг дэмжиж, гарын үсгээ зурна уу!
НДШ нөхөж төлж болох талаар
