Улаанбаатар-Дархан чиглэлийн 202 км урттай, олон улсын болон бүс нутгийн транзит тээврийн А0401 авто зам дээр суурилуулсан 32 гаруй стандартын бус, механик хурд сааруулагчдыг (хурдны овоолго) яаралтай буулгах; Улмаар үндэсний эдийн засаг, иргэдийн халаасанд учруулж буй үлэмж хэмжээний хохирлыг зогсоож, олон улсын жишгийн дагуу ухаалаг "Дундаж хурд хэмжигч камер"-ын системээр солихыг Зам, тээврийн хөгжлийн яам болон холбогдох төрийн байгууллагуудаас шаардаж байна.
ЕБС -ийн хичээл эхлэх "9 дүгээр сарын 1" гэж хөдлөшгүй тогтсон хугацааг Монгол орны цаг уурын онцлогт тохируулж өөрчлөх нь зун намрын дэлгэр цагт хүүхдийн эрүүл мэндэд сайнаар нөлөөлнө.
Сүүлийн жилүүдэд замын хөдөлгөөнд оролцож буй зарим мотоцикл болон зориудаар дуу чимээ ихэсгэсэн автомашины хэт чанга дуу нь иргэдийн амгалан тайван амьдрах эрхийг зөрчиж, хүүхэд, өндөр настан, өвчтэй хүмүүсийн амралт, эрүүл мэндэд сөргөөр нөлөөлөх болсон. Иймээс хуульд заасан дуу чимээний стандартыг хатуу мөрдүүлэх, шаардлага хангахгүй тээврийн хэрэгслийн хөдөлгөөнд хяналт тавих, иргэдийн амар тайван орчныг хамгаалах чиглэлээр холбогдох байгууллагууд бодит арга хэмжээ авахыг энэхүү өргөдлөөр уриалж байна.
Монгол улс 2025 онд 89.7 сая тонн нүүрс экспортлосон ба энэхүү нүүрсээр бид үйлдвэрүүдээ барьж чадсан бол жилдээ 60 сая тонг бензин, дизелийн түлш, керосин бусад дагалдах бүтээгдэхүүн үйлдвэрлэх боломжтой байв. Монгол улсын жилийн нийт хэрэгцээ 3 сая тонн гэхээр бид асар их боломжоо алдаж байна гэсэн үг. Нүүрснээс шингэн түлш гаргах технологи (Coal-to-Liquids буюу CTL) нь нүүрсийг химийн гүн боловсруулалтад оруулж, бензин, дизель түлш, нисэхийн керосин болон бусад химийн бүтээгдэхүүн гарган авах технологи юм. Энэхүү арга нь шатахууны хувьд гадаад улсаас хараат бус болох стратегийн маш их ач холбогдолтой. ХБНГУ-ын Канцлер Ангела Меркель Монгол улсад айлчлахдаа нүүрснээс шингэн түлш гаргах технологийг Монголд нэвтрүүлэх асуудлыг албан ёсоор тавьсан боловч бид өнөөдрийг хүртэл энэхүү асуудлыг шийдвэрлэлгүй өдий хүрэв. Дэлхийн өнөөгийн нөхцөл байдалтай холбоотойгоор бид үйлдвэрлэгч болох цаг нь болжээ.
Жирэмсэний болон амаржсаны амралт болон тэтгэмж авах хугацааг заавал 31-32 долоо хоног гэж заахгүй байх, 33.34 хүртэлээ ажлаа хийгээд авах боломжийг нээлттэй болгох
Энэ 3 сая хүнтэй Монгол улсад эхнэр нөхрөө араар тавьж, нэг нэгэндээ сэтгэл санааны хохирол учруулж, үр хүүхдүүдээ өнчрүүлэх явдал бүр ил цагаандаа гарч гаарлаа. Энэ бүхнийг зогсоож, Монголын ирээдүй болсон үр хүүхдүүдийг элэг бүтэн гэр бүлд өсгөх боломж олгож өгөөчээ.
Хугацаа хэтрүүлсэн зээлээ төлсөн хэдийч 5 жил хар жагсаалтанд оруулж шийтгэдэг тогтолцоогоо одоо өөрчилмөөр байна Үнэхээр бусад боломжуудыг хүртэл хааж байна иймд эргэж нэг харж өгнө үү??
Монгол Улсад орон сууцны түрээсийн зах зээл хурдацтай тэлж байгаа ч хууль эрх зүйн тодорхой зохицуулалт дутмаг байгаагаас үүдэн түрээслэгч болон түрээслүүлэгчдийн дунд маргаан их гарч байна. Түрээсийн барьцаа мөнгийг үндэслэлгүй буцааж өгөхгүй байх, түрээсийн үнийг богино хугацаанд үндэслэлгүй нэмэх, гэрээний хугацаа дуусаагүй байхад шалтгаангүйгээр хөөж гаргах зэрэг эрсдэл түрээслэгчдэд түгээмэл тохиолддог. Олон улсын туршлагад (тухайлбал ХБНГУ, БНКОУ)-д түрээсийн гэрээний доод хугацаа, үнийн нэмэгдлийн дээд хязгаар (жишээ нь жилд 5%-иас хэтрэхгүй байх), барьцаа мөнгийг төрийн болон тусгай системд хуулийн дагуу баталгаажуулан хамгаалах зохицуулалт байдаг. Иймд Монгол Улсад орон сууц түрээслэгчдийн эрх ашгийг хамгаалсан, барьцаа мөнгөний аюулгүй байдлыг хангасан, түрээсийн үнийн дарамтыг бууруулсан тусгайлсан хууль боловсруулж, эрх зүйн орчныг шинэчлэн сайжруулахыг УИХ-аас шаардаж энэхүү өргөдлийг гаргаж байна.
1. Хууль санаачлах шаардлага, үндэслэл Залуусын оролцоог дэмжиж, улс төрийн шийдвэр гаргалтыг тэнцвэржүүлэх: Одоогийн системд ахмад настнуудын ирц өндөр байдаг бол залуучууд сурч, ажиллаж буй байршлаас хамааран ирц бага байдаг. Сонгуулийг цахимжуулснаар залуу үеийн оролцоо 80-90%-д хүрч, сонгуулийн дүн бодитоор залуусын дуу хоолойг илэрхийлдэг болно. "Жалга довны" бодлогыг халах: Нутаг дэвсгэрийн жижиг тойрогт суурилсан систем нь Улсын Их Хурлын гишүүдийг зөвхөн өөрийн тойрогтоо төсөв хөөцөлдөх явцуу сонирхол руу түлхдэг. Улсыг нэг сонгуулийн тойрог болгосноор төрийн бодлого үндэсний хөгжилд чиглэнэ. Иргэдийн санал гээгдэхээс сэргийлэх: Өөр аймаг, хотод түр ажиллаж байгаа болон уул уурхай, барилга, зам тээвэр гэх мэт салбарт ажиллаж буй иргэд хаягийн зөрчил, орон зайн зайлшгүй шалтгаанаас болон сонгох эрхээ эдэлж чаддаггүйг зогсооно. Нэр дэвшигчдийн чанар ба Ил тод байдал: Иргэд нэр дэвшигчийн бодит түүх, гарал угсаа, боловсрол, хөрөнгө орлогыг харж сонгох
Муу түүхээс болж хүмүүс зээл авах болон оноогоо сайжруулар боломжгүй болоод байна
Согтуугаар жолоо барих нь санамсаргүй алдаа биш, хүн өөрөө ухамсартайгаар сонгодог үйлдэл юм. Гэвч Эрүүгийн хуулийн 27.10 дугаар зүйлээр согтуугаар жолоо барьж хүний эрүүл мэнд, амь насанд хохирол учруулсан хэргийг болгоомжгүй гэмт хэрэгт тооцож, согтуурсан байдлыг зөвхөн зүйчлэх шинж болгон авч үздэг. Хохирол учруулаагүй тохиолдолд жолоодох эрхийг ердөө нэг жилээр хасдаг нь дахин зөрчил үйлдэхээс сэргийлэх хүчгүй байна. Согтуурсан үедээ жолооны ард суух үйлдэл өөрөө санаатай, харин үр дагавар нь болгоомжгүй байдлаар илэрдэг тул энэ нь Эрүүгийн хуулийн 2.4 дүгээр зүйлд заасан "гэм буруугийн холимог хэлбэр"-т нийцнэ. Иймд уг үйлдлийг бие даасан хүнд гэмт хэрэгт тооцож, хохирол учраагүй тохиолдолд ч жолоодох эрхийг арван хоёр жилээр хасдаг болгохыг шаардаж байна.
Дүрмийн шалгалтыг чангаруулах (100 асуулт / 0 алдаа): Жолоодох эрхийн шалгалтын асуултыг 20 биш 100 болгож, 1 ч алдаа гаргахгүй (100%) тэнцсэн тохиолдолд л жолоодох эрх олгоно. (Үндэслэл: Дүрмийн дутуу мэдлэгтэй жолоочийг хөдөлгөөнд оролцуулахгүй байх). Үнэмлэхийн хугацааг 3 жил болгох: Жолооны үнэмлэхийн хүчинтэй хугацааг 10 жил биш 3 жил болгож, 3 жил тутамд заавал дахин шалгалт, эрүүл мэндийн үзлэгт оруулж эрхийг сунгадаг болно. (Үндэслэл: Жолоочийн эрүүл мэнд, дүрмийн мэдлэгт тогтмол хяналт тавих). СЭМҮТ-ийн сэтгэцийн оношилгоог заавал болгох: Шинээр эрх авах болон сунгахад Сэтгэцийн Эрүүл Мэндийн Үндэсний Төв (СЭМҮТ) дээр нарийн мэргэжлийн сэтгэц-физиологийн тест, оношилгоонд заавал хамрагдана. (Үндэслэл: Стресс даах чадваргүй, уур бухимдлаа хянадаггүй, сэтгэцийн болон донтох эмгэгтэй хүмүүст жолоодох эрх олгохоос сэргийлэх).
