Монгол Улсын Үндсэн хуулиар үг хэлэх, хэвлэн нийтлэх эрх чөлөөг баталгаажуулсан. Гэвч төрийн байгууллага, төрийн болон орон нутгийн өмчит, өмчийн оролцоотой аж ахуйн нэгжүүд нийтийн хөрөнгөөр сэтгүүлч, хэвлэл мэдээллийн байгууллага, нөлөөлөгч, иргэдтэй шүүмжлэл гаргахгүй байх, сөрөг мэдээлэл нуун дарагдуулах нөхцөлтэй “хаалтын гэрээ” байгуулах эрсдэлтэй. Энэ нь хараат бус мэдээлэл, олон нийтийн хяналтад сөргөөр нөлөөлнө. Иймд УИХ-аас холбогдох хуульд нэмэлт, өөрчлөлт оруулж: 1. Нийтийн хөрөнгөөр шүүмжлэлийг хязгаарлах, мэдээлэл нуун дарагдуулах, далд нөлөөлөл үзүүлэх гэрээ байгуулах, төлбөр олгохыг хориглох; 2. Мэдээлэл, сурталчилгааны гэрээний талууд, үнэ, зорилго, гүйцэтгэлийг ил тод болгох; 3. Төлбөртэй контентыг тэмдэглэх; 4. Зөрчилд хариуцлага тогтоохыг хүсэж байна. Төрийн үйлчилгээ, эрүүл мэнд, гамшгийн сэрэмжлүүлэг зэрэг хууль ёсны мэдээлэл түгээхийг хоригт хамааруулахгүй.
Оюу толгойн ордоо 30 жил ашиглуулсны эцэст анх удаагаа Монгол улс 3 их наядын ашиг авахаар болсон билээ. Монгол улсын нийт хүн ам болох 3.5 сая иргэндээ хуваавал нэг иргэнд 857000 төгрөг оногдож байна. Иймд иргэн бүрийн өөрсдийн хувь дансанд бэлнээр шилжүүлэх хуулийн төслийг санаачилж байна. Хэрэв ингэж баттай болгохгүй бол зургаадугаар цахилгаан станц барих гэх мэт хэзээ хийгдэх нь тодорхойгүй ажилд Оюу толгойн ашгаа төсөв болгож өгмөөргүй байна. Ийнхүү хуулийн төсөл санаачилж байгаа тул 100'000 иргэд маань гарын үсгээ зурж Ерөнхийлөгчөөр баталгаажуулж ашгаа өөрсдөө захиран зарцуулая.
Ёс уламжлалаар бол Цагаан сарын "Битүүний өдөр" буюу билгийн тооллын өвлийн адаг сарын сүүлийн өдөр болох шинийн 30 нь Цагаан сарын бэлтгэл ажлыг хийхээс гадна тодорхой ёс заншлыг үйлддэг онцлогтой. Тиймээс Цагаан сар бол монгол түмний өв соёл болох юм. Энэ утгаар уг баярыг өргөн дэлгэр нийтээр тэмдэглэн өнгөрүүлэх, ингэхдээ өнөө үед уламжлагдан ирсэн соёл, зан үйл, бэлгэдэл зэргийг бүрэн гүйцэд хугацаанд нь амжуулах учиртай. Энэ бүхнээс товчхон дүгнэхэд Битүүн нь Цагаан сарын баярын зан заншил уламжлалын чухал хэсэг юм. Гэвч бодит байдал дээр Битүүн нь ажлын өдөр байдаг тул Цагаан сарын баярын бэлтгэл хангахад ихээхэн хүндрэл бэрхшээлтэй байдаг. Иймд энэ байдлыг харгалзан Битүүний өдрийг амралтын өдөр болгох тухай хуулийг энэ ондоо багтаан батлах санал санаачлагыг гаргаж байна. Энэхүү нийтийн тусын тулд нийтийн ашиг сонирхлын үүднээс гаргасан өргөдлийг дэмжиж өгөхийг Та бүхэнд уриалж байна.
Үл хөдлөх, орон сууц захиалгын гэрээгээр иргэн урьдчилан төлбөрөө төлсөн боловч барилгын ажил хугацаандаа дуусаагүй, ашиглалтад ороогүй, өмчлөх эрх шилжээгүй тохиолдол гарч байна. Ийм нөхцөлд иргэн гэрээний үүргээ биелүүлээгүй этгээдийн эсрэг эрхээ хамгаалуулах шаардлагатай хэвээр байхад зөвхөн хугацаа өнгөрсөн үндэслэлээр шаардах эрхээ хэрэгжүүлэх боломжгүй болох эрсдэлтэй. Гэвч үл хөдлөх, орон сууцны захиалгын гэрээний хувьд гэрээний үүрэг бодитоор биелсэн эсэх, өөрөөр хэлбэл орон сууц ашиглалтад орж, өмчлөх эрх иргэнд шилжсэн эсэх нь чухал юм. Иймээс үүрэг биелээгүй байхад хөөн хэлэлцэх хугацааг дуусгавар болгож, иргэний эрхийг хязгаарлахгүй байх тусгай зохицуулалт шаардлагатай гэж үзэж байна.
Улаанбаатарт хоёр орон сууцыг үл хөдлөхийн татвараас чөлөөлдөг атлаа хувийн хэрэгцээний ганц гараашнаас татвар авдаг. Хувийн хэрэгцээний нэг гарааш, авто зогсоолыг татвараас чөлөөлөх үндэслэл: * ❄️ Хүйтэн орны хэрэгцээ. Автомашинаа хөлдөх, гэмтэхээс хамгаалах зориулалттай. * 👨👩👧👦 Өрхийн хэрэглээ. Өөрийн машинаа байрлуулдаг гарааш нь түрээс, бизнесийн орлого олох зориулалтгүй. * 🚶 Нийтийн эрх ашиг. Гудамж, орц гарц, явган хүний замыг машин хааж зогсохыг багасгахад тустай. * ⚖️ Татварын бодлогын уялдаа. Хоёр орон сууцыг чөлөөлж байгаа бол өрхийн хэрэгцээний нэг гараашийг чөлөөлөх үндэслэлтэй. 📌 Иймд иргэний өмчлөлийн, өөрийн болон гэр бүлийн хэрэгцээнд ашигладаг нэг гарааш эсхүл нэг автомашины зогсоолыг үл хөдлөхийн татвараас чөлөөлөх нэмэлтийг хуульд оруулах санал гаргаж байна.
Төрийн албан хаагчид төрийн дээд ,дунд ,доод шат ялгаагүй авилга албан тушхалын гэмт хэрэг хийсэн ч ялгүй үлдэж татвар төлөгчид болон улсыг маш их хэмжээгээр хохироож байна. Төрдөө үнэнчээр ажилладаг албан хаагч гэж байхгүй боллоо их хэмээний авилга авсаг ч 40сая төгрөгөөр торгуулаад өнгөрөх нь энэ төрлийн гэмт хэргийг улам дэвэргэж өөгшүүлж байна
Зээлийн мэдээллийн санд өмнө нь бүртгэгдсэн хугацаа хэтрэлт, чанаргүй зээл зэрэг сөрөг мэдээлэл нь тухайн иргэн өр төлбөрөө бүрэн барагдуулсан, цаашид зээлээ хэвийн төлж байгаа нөхцөлд ч зээлийн үнэлгээ болон FICO оноонд удаан хугацаанд нөлөөлж, дахин зээл авах, орон сууц болон автомашины санхүүжилтэд хамрагдах, бизнесээ өргөжүүлэх зэрэг санхүүгийн боломжид хүндрэл учруулж болзошгүй байна.
- Татварын хувь хэмжээг бууруулах, 1% болгох
Дорнод аймгийн Матад, Халхгол сумдын нутагт газрын тосны хайгуул, олборлолтын үйл ажиллагаа 20 орчим жил үргэлжилж байна. Энэ хугацаанд газрын тос олборлох, цооног өрөмдөх, тоног төхөөрөмж ажиллуулах, засвар үйлчилгээ хийх зэрэг олон төрлийн үйл ажиллагаанаас их хэмжээний хаягдал үүссэн. Харин эдгээр хаягдлыг хаана, хэрхэн хадгалж, тээвэрлэж, устгаж, булж, устгалд оруулж ирсэн нь өнөөдөр иргэдэд бүрэн тодорхой биш байна. Ялангуяа газрын тос, тосорхог материал, өрөмдлөгийн шавар болон шингэн, химийн бодисын үлдэгдэл, бохир ус, ашигласан шүүлтүүр, тосны сав, тоног төхөөрөмжийн хаягдал зэрэг байгаль орчинд сөрөг нөлөө үзүүлж болзошгүй хаягдлыг байгаль орчинд сөрөг нөлөөгүйгээр устгасан, дахин боловсруулсан эсэх нь эргэлзээтэй байна. Олон жилийн өмнө үүссэн хаягдлыг өнөөдөр зөвхөн бичиг баримтаар шалгаад орхих бус, газар дээр нь очиж, бодитоор хаана юу болсон бэ гэдгийг тогтоох шаардлагатай гэж үзэж байна.
Өргөдөл Монгол Улсад Тулгар төрийн 2235 жил, Их Монгол Улсын 820 жил, Ардын хувьсгалын 105 жилийн ой тохиож буйтай холбогдуулан төрийн хүмүүнлэг бодлогыг хэрэгжүүлэх зорилгоор Өршөөл үзүүлэх тухай хууль батлахыг санал болгож байна
Монгол Улсын иргэд богино хугацааны санхүүгийн хэрэгцээгээ шийдвэрлэх зорилгоор банк бус санхүүгийн байгууллага болон цахим аппликейшнээр зээл авах нь нэмэгдэж байна. Гэвч өндөр хүү, нэмэгдүүлсэн хүү, шимтгэл, үйлчилгээний төлбөр, богино хугацаатай төлөлтийн нөхцөл зэрэг нь иргэдийн өрийн дарамтыг нэмэгдүүлж, нэг зээлийг нөгөө зээлээр төлөх, олон жижиг зээлд давхар орох эрсдэлийг бий болгож байна. Иймд иргэдийн эрх ашгийг хамгаалах, зээлийн бодит өртгийг бууруулах, зээлдэгчийг үндсэн өрөө бодитоор төлж дуусгах боломжтой болгох зорилгоор дараах саналыг холбогдох хууль, журамд тусган хэрэгжүүлэхийг хүсэж байна. 1. ББСБ болон цахим зээлийн хүүгийн дээд хэмжээг үе шаттайгаар бууруулах Хэрэгцээ: Богино хугацааны зээлд хүү, шимтгэл өндөр тогтоогдсон тохиолдолд зээлдэгчийн төлөх нийт дүн үндсэн зээлийн хэмжээнээс үлэмж нэмэгдэж, өрийн дарамт үүсдэг.
Энэхүү хуулийн төслийн зорилго нь ерөнхий боловсролын сургууль болон хүүхэд оролцдог бусад орчинд үйлдэгдэж буй дээрэлхэлт, дарамт, хүчирхийллийг урьдчилан сэргийлэх, таслан зогсоох, хүүхдийн аюулгүй орчинд сурч, хөгжих эрхийг хамгаалах, хүчирхийлэл үйлдсэн этгээдэд хүлээлгэх хариуцлагыг боловсронгуй болгоход оршино\. Түүнчлэн хүүхдийн эсрэг санаатай, ноцтой хүчирхийллийн гэмт хэрэг үйлдсэн нь шүүхийн хүчин төгөлдөр шийдвэрээр тогтоогдсон этгээдийн хувьд насанд хүрсний дараах төрийн алба, хүүхэдтэй ажиллах албан тушаал болон төрөөс олгох тодорхой төрлийн зээл, санхүүгийн дэмжлэгт тавигдах эрх зүйн шаардлага, хязгаарлалтыг бий болгох асуудлыг тусгана\. Хариуцлагын зохицуулалтыг гэмт хэргийн шинж, учирсан хохирол, давтан үйлдэл болон тухайн этгээдийн нас, нөхцөл байдалтай уялдуулан ялгамжтай хэрэглэх бөгөөд хүүхдийн эрхийг хамгаалах, хүчирхийллийг дахин үйлдэхээс урьдчилан сэргийлэхэд чиглүүлнэ\. Ингэснээр хүүхэд хүчирхийлэл, дээрэлхэлтээс ангид, аюулгүй орчинд сурч боловсро
